قالا اكىمى مۇرات ايتەنوۆتىڭ توراعالىعىمەن وتكەن كەزەكتى ينۆەستيتسيالىق شتابتىڭ وتىرىسىندا 9 جاڭا جوبا ۇسىنىلدى. جوبا جەتەكشىلەرى «ZOOM» پلاتفورماسى ارقىلى قوسىلىپ، وزەكتى ماسەلەلەرىن ورتاعا سالدى.
ماسەلەن، «شىمكەنت تەمىر» جشس-ءى وندىرىستىك قۋاتى جىلىنا 300 000 توننا بولاتىن ۇزدىكسىز قۇيىلعان دايىنداما، ۇساق سۇرىپتى بولات جانە سوزبا سىم ءوندىرۋ زاۋىتىن سالۋ جانە وندىرىستىك قۋاتى جىلىنا 360 000 توننا تىكەلەي قالپىنا كەلتىرىلەتىن تەمىر ءوندىرۋ زاۋىتىن سالۋ تۋرالى جوباسىن ۇسىندى. اتالعان جوبالارعا «جۇلدىز» يندۋستريالدى ايماعىنان 100 گەكتار جەر بولىنگەن. جوبا ىسكە قوسىلعان ساتتە 1500 جاڭا جۇمىس ورنى قۇرىلماق. قاجەتتى ينفراقۇرىلىمدىق جۇيەلەر قوسىلعان كەزدە قۇرىلىس جۇمىستارى باستالادى. قالا اكىمى اتالعان جوبانى ءوزىنىڭ جەكە باقىلاۋىنا الىپ، ءار اي سايىن ارنايى كەزدەسۋ ۇيىمداستىرۋدى تاپسىردى.
كەلەسى تانىستىرىلعان جوبالاردىڭ ءبىرى - «Medcomfort» جشس. ول مەديتسينالىق جيھاز، مەديتسينالىق جابدىق جانە مەديتسينالىق ماسكالار وندىرۋمەن اينالىسىلادى. ءوندىرىس يەسى كاسىپتىڭ قۋاتتىلىعىن ارتتىرۋ ماقساتىندا اكىمدىكتەن جەر سۇرادى. شاھار باسشىسى جاڭا يندۋستريالدى ايماقتان ورىن بەرۋ جونىندە شەشىم قابىلدادى.
- كۇزدە «جۇلدىز» يندۋستريالدى ايماعىنداعى ينفراقۇرىلىم ماسەلەلەرى تولىق شەشىلەدى. سول كەزدە قۇرىلىستى باستاي بەرسەڭىز بولادى. جەردى راسىمدەۋدى سالا باسشىلارىنا جۇكتەيمىن، - دەدى اكىم.
سونىمەن بىرگە، شتاب وتىرىسىندا ءمودۋلدى ۇيلەر سالۋ، جەكەمەنشىك مەكتەپ سالۋ، پوليەتيلەنتى قايتا وڭدەۋ، تەمىر-بەتون بۇيىمدارىن ءوندىرۋ، تۇرعىن-ءۇي كەشەنىن سالۋعا نيەتتىلەر وزدەرىنىڭ جوبالارىن تانىستىردى.
جيىندى قورىتىندىلاعان مۇرات ايتەنوۆ ءاربىر جوبا اپتا كولەمىندە تەرەڭىنەن زەردەلەنىپ، ەكى تاراپقا دا ۇتىمدى شەشىم شىعارىلۋ كەرەكتىگىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
