Qala ákimi Murat Áıtenovtiń tóraǵalyǵymen ótken kezekti Investıııalyq shtabtyń otyrysynda 9 jańa joba usynyldy. Joba jetekshileri «ZOOM» platformasy arqyly qosylyp, ózekti máselelerin ortaǵa saldy.
Máselen, «Shymkent Temir» JShS-i óndiristik qýaty jylyna 300 000 tonna bolatyn úzdiksiz quıylǵan daıyndama, usaq surypty bolat jáne sozba sym óndirý zaýytyn salý jáne óndiristik qýaty jylyna 360 000 tonna tikeleı qalpyna keltiriletin temir óndirý zaýytyn salý týraly jobasyn usyndy. Atalǵan jobalarǵa «Juldyz» ındýstrııaldy aımaǵynan 100 gektar jer bólingen. Joba iske qosylǵan sátte 1500 jańa jumys orny qurylmaq. Qajetti ınfraqurylymdyq júıeler qosylǵan kezde qurylys jumystary bastalady. Qala ákimi atalǵan jobany óziniń jeke baqylaýyna alyp, ár aı saıyn arnaıy kezdesý uıymdastyrýdy tapsyrdy.
Kelesi tanystyrylǵan jobalardyń biri - «Medcomfort» JShS. Ol medıınalyq jıhaz, medıınalyq jabdyq jáne medıınalyq maskalar óndirýmen aınalysylady. Óndiris ıesi kásiptiń qýattylyǵyn arttyrý maqsatynda ákimdikten jer surady. Shahar basshysy jańa ındýstrıaldy aımaqtan oryn berý jóninde sheshim qabyldady.
- Kúzde «Juldyz» ındýstrıaldy aımaǵyndaǵy ınfraqurylym máseleleri tolyq sheshiledi. Sol kezde qurylysty bastaı berseńiz bolady. Jerdi rásimdeýdi sala basshylaryna júkteımin, - dedi ákim.
Sonymen birge, shtab otyrysynda modýldi úıler salý, jekemenshik mektep salý, polıetılenti qaıta óńdeý, temir-beton buıymdaryn óndirý, turǵyn-úı keshenin salýǵa nıettiler ózderiniń jobalaryn tanystyrdy.
Jıyndy qorytyndylaǵan Murat Áıtenov árbir joba apta kóleminde tereńinen zerdelenip, eki tarapqa da utymdy sheshim shyǵarylý kerektigin aıtty.
Shymkent qalasy ákimdiginiń baspasóz qyzmeti
