ءماليدىڭ ۋاقىتشا پرەزيدەنتى اسسيمي گويتاعا بەلگىسىز بىرەۋلەر شابۋىل جاسادى، دەپ حابارلايدى «ادىرنا» ءتىلشىسى.
وقيعا باماكو استاناسىنداعى مەشىتتە قۇربان ايت نامازى كەزىندە بولعان. سوڭعى مالىمەتتەرگە سۇيەنسەك، پىشاعى بار ەكى قارۋلى ادام گويتانى ولتىرمەك بولعان.
پرەزيدەنت اكىمشىلىگى باسشىنىڭ ء"تىرى جانە ساۋ" ەكەنىن راستادى، ال ەكى شابۋىلداۋشى بىردەن تۇتقىندالعان.
«گويتا بىردەن كاتي گارنيزونىنىڭ اسكەري شتابىنا جەتكىزىلدى. جاعدايى بىرقالىپتى»،– دەلىنگەن حابارلامادا.
«ادىرنا» ۇلتتىق پورتالى
