قازاقستاندا ءبىر تاۋلىك ىشىندە كوروناۆيرۋس پەن پنەۆمونيادان 74 ادام قايتىس بولدى، - دەپ حابارلايدى “ادىرنا” ۇلتتىق پورتالى ۆاك-قا سىلتەمە جاساپ.
2021 جىلعى 23 شىلدەدەگى جاعداي بويىنشا كوروناۆيرۋس بەلگىلەرى بار پنەۆمونيا تۋرالى اقپارات جاريالاندى.
"21.07.2021 جىلى كوروناۆيرۋس بەلگىلەرى بار پنەۆمونيانىڭ 233 جاعدايى جانە 10 ءولىم جاعدايى تىركەلدى. وعان قوسا 105 ادام ەمدەلىپ شىقتى. كوروناۆيرۋستان 64 ادام قايتىس بولدى", - دەلىنگەن حابارلامادا.
2020 جىلعى 13 ناۋرىزدان بارلىعى: اۋىرعاندار - 59150, 3585 ءولىم جاعدايى تىركەلدى، ال جازىلىپ شىققانداردىڭ سانى 53780-گە جەتتى.
