قىتاي بيلىگى دۇنيەجۇزىلىك دەنساۋلىق ساقتاۋ ۇيىمىمەن كوروناۆيرۋس تەرگەۋىنىڭ ەكىنشى كەزەڭىندە ىنتىماقتاستىقتان باس تارتتى، دەپ حابارلايدى «ادىرنا» ۇلتتىق پورتالى حابار 24-كە سىلتەمە جاساپ.
ۇكىمەت ۆيرۋستىڭ قىتايدان شىقتى دەگەن نۇسقاسىمەن كەلىسپەيدى. پەكين رەسمي تۇردە ددCۇ باسشىسى تەدروس ادحانوم گەبرەسيەس باتىستىڭ ساياسي ىقپالىنا اقش-تىڭ ۇسىنىسى بويىنشا ءتۇستى دەپ سانايدى. ازىرگە ۇيىم ۆيرۋستىڭ پايدا بولۋ سەبەپتەرىن انىقتاپ جاتىر. ال الەمدىك قاۋىمداستىق كوروناۆيرۋسپەن كۇرەستى جالعاستىردى.
قىتاي بيلىگى COVID-19-دىڭ شىعۋ تەگى تۋرالى جاڭا تەرگەۋگە قارسىلىق ءبىلدىردى. بۇل تۋرالى ۇلتتىق دەنساۋلىق ساقتاۋ كوميتەتى باسشىسىنىڭ ورىنباسارى تسزەن يسين ايتتى. ددسۇ-نىڭ «قىتاي زەرتحاناسىندا ۆيرۋستىڭ شىعۋى مۇمكىن» دەگەن نۇسقاسىنا كوميتەت «ساياسي پوزيتسيا جانە عىلىمعا دەگەن مەنمەندىك» دەپ باعا بەرگەن بولاتىن.
«كەيبىر جاعدايلاردا ددCۇ كوروناۆيرۋستىڭ شىعۋ تەگى تۋرالى تەرگەۋدىڭ كەلەسى كەزەڭىنە ارنالعان جوسپارى اقىلعا سىيمايدى جانە عىلىمعا قايشى. ءبىز مۇنداي جوسپاردى قابىلداي المايمىز»، - دەيدى قىتايدىڭ ۇلتتىق دەنساۋلىق ساقتاۋ كوميتەتى باسشىسىنىڭ ورىنباسارى تسزەن ينسين.
ايتا كەتەيىك، مامىردا اقش پرەزيدەنتى دجو بايدەن ارنايى قىزمەتكەرلەر تاعايىنداپ، ولارعا COVID-19 ۆيرۋسىنىڭ پايدا بولۋ سەبەپتەرىن انىقتاۋدى تاپسىرعان ەدى. باستامانى ددCۇ باسشىسى دا قولدادى. ءوز كەزەگىندە قىتاي تاراپى امەريكالىق بارلاۋ وفيتسەرلەرىنىڭ بۇل ماسەلەگە قاتىسۋىن «كۇلكىلى» دەپ تاپتى.
«ۋحان زەرتحاناسىنداعى ۆيرۋستىڭ پايدا بولۋىنا قاتىستى ءبىزدىڭ بىرلەسكەن ساراپشىلارىمىز ەگجەي-تەگجەيلى زەرتتەۋ مەن بىرلەسكەن تەرگەۋ جۇرگىزىپ، بۇل مۇمكىن ەمەس دەگەن قورىتىندى شىعاردى»، – دەيدى ددسۇ قىتاي ساراپشىلار توبىنىڭ جەتەكشىسى ليان ۆاننيان.
"ادىرنا" ۇلتتىق پورتالى
