تۇركىستان وبلىسىنداعى سەگىز بىردەي اۋىلدىڭ تۇرعىندارى اقباستاۋ ەلدى مەكەنىندەگى دەمالىس ورنىنىڭ جەڭىل ءجۇرىستى قىزداردىڭ ورداسىنا اينالعانىن ايتىپ، قوناق ءۇيدى جابۋدى تالاپ ەتىپ وتىر دەپ حابارلايدى "ادىرنا" ۇلتتىق پورتالى "ەۋرازيا" ءبىرىنشى ارناسىنا سىلتەمە جاساپ.
تۇرعىندار قوناق ءۇيدىڭ جانىنان جۇرۋگە ۇيالاتىن جاعدايعا جەتتىك دەيدى. ال دەمالىس ورنىنىڭ قوجايىنى بۇل پىكىرمەن مۇلدەم كەلىسپەيدى.
"سويلەسەتىن ادامداردى جىبەردىك، قوناق ءۇيدىڭ قوجايىنى "بيزنەسىمە كەدەرگى جاساماڭدار، ءوزىم بىلەم" دەپ بيزنەسىن قورعاپ وتىر. مۇندا قىزدار ومىراۋىن شىعارىپ الىپ، تەمەكى شەگىپ تۇرادى. مۇشەقابىنىڭ ءبارى شاشىلىپ جاتادى. بالالارىمىزعا نە دەپ ايتارىمىزدى بىلمەيمىز", — دەيدى سايرام اۋدانىنىڭ تۇرعىنى مۇحيت ايتقۇلوۆ.
ەڭ قىزىعى، اقباستاۋداعى قوناق ءۇيدىڭ اينالاسىنداعى توپىرلاعان جەڭىل ءجۇرىستى قىزداردى جەرگىلىكتى تۇرعىندار ۆيدەوعا دا ءتۇسىرىپ الىپتى. تۇنگى كوبەلەكتەر بىرەسە ىشتە، ءتىپتى كەي كەزدەرى سىرتتا سويلەسىپ، ساۋدالاسۋعا ۇيالمايدى دەيدى. الايدا اقشاعا ارىن ساتاتىندار دەمالىس ورنىنا ەشقانداي قاتىسىمىز جوق دەپ وتىر. ولار مۇنداعى بولمەلەردى ساعاتىنا جالعا الادى ەكەن.
ال قوناق ءۇيدىڭ قوجايىنى جەزوكشەلەردىڭ اڭگىمەسى ابدەن مەزى ەتتى دەپ اشۋعا بۋلىققان. ءاربىر كەلگەن قوناقتى تەكسەرىپ وتىرۋعا مىندەتتى ەمەسپىن دەپ قىسقا قايىرعان.
"ەشقانداي قىزدار بولعان ەمەس. مۇندا اركىم ءوزىنىڭ جۇبىمەن كىرەدى. مىسالى، قوناق ءۇي بولعاننان كەيىن بىرەۋ جولدان قالىپ كىرەدى. كىرەبەرىسكە دە جازىپ قويعانمىن: "قىزدار سۇراماڭدارشى، ءوتىنىش" دەپ", — دەيدى قوناق ءۇيدىڭ يەسى مەيرامبەك تاشيموۆ.
اقباستاۋلىقتاردىڭ شاعىمىنان كەيىن پوليتسەيلەر قوناق ۇيگە قاتىستى تەكسەرىستى باستاپتى. ەگەر مۇندا جەڭىل ءجۇرىستى قىزدار انىقتالاتىن بولسا، قوجايىنى تولىق جاۋاپ بەرەدى. الايدا تۇرعىندار ءتارتىپ ساقشىلارى ءتارتىپ ورناتادى دەگەنگە اسا سەنىڭكىرەمەيدى.
"ادىرنا" ۇلتتىق پورتالى.
