«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس، بۇگىن، 2021 جىلى 25 شىلدەدە ماڭعىستاۋ وبلىسىنداعى 6 اۋىل مەن 4 اۋىلدىق وكرۋگتە اكىمدەردى سايلاۋ باستالدى دەپ حابارلايدى "ادىرنا" ۇلتتىق پورتالى.
ماڭعىستاۋ وبلىستىق سايلاۋ كوميسسياسىنىڭ دەرەگىنە سۇيەنسەك، وبلىستا بەينەۋ اۋدانىندا سارگا، ەسەت، تولەپ اۋىلدارىندا جانە سام اۋىلدىق وكرۋگىندە، قاراقيان اۋدانىندا قۇلاندى اۋىلدىق وكرۋگىندە،
ماڭعىستاۋ اۋدانىندا جارمىش، قىزان اۋىلدارىندا جانە وندى مەن تۇششىقۇدىق اۋىلدىق وكرۋگتەرىندە،
تۇپقاراعان اۋدانىندا اقشۇقىر اۋىلىندا سايلاۋ وتۋدە.
سايلاۋعا بارلىعى 10 سايلاۋ وكرۋگى قاتىسادى، ولاردا 14 سايلاۋ ۋچاسكەلەرى جانە 14144 سايلاۋشىلار بار. 10 وكرۋگ بويىنشا 25 كانديدات سايلاۋ بيۋللەتەندەرىنە ەنگىزىلدى (5 وكرۋگتە 2 كانديداتتان، 5 وكرۋگتە - 3 كانديداتتان).
اۋماقتىق سايلاۋ كوميسسيالارى ۇسىنعان دەرەكتەرگە سايكەس، 25 شىلدەدە جەرگىلىكتى ۋاقىتىمەن ساعات 07.00-دەگى جاعداي بويىنشا 6 اۋىلداردا، 4 اۋىلدىق وكرۋگتەردە 14 سايلاۋ ۋچاسكەلەرى داۋىس بەرۋگە كىرىستى.
سايلاۋشىلاردىڭ سايلاۋ ۋچاسكەلەرىنە كەلۋى تۋرالى كەلەسى اقپارات اۋماقتىق سايلاۋ كوميسسيالارىنىڭ ينتەرنەت-بەتتەرىندە نۇر-سۇلتان ۋاقىتى بويىنشا ساعات 10.00-دە، 12.00-دە، 14.00-دە، 16.00-دە، 18.00-دە، 20.00-دە جانە سايلاۋشىلاردىڭ كەلۋىنىڭ الدىن الا قورىتىندىلارى تۋرالى اقپارات 21.00-دە ۇسىنىلاتىن بولادى.
"ادىرنا" ۇلتتىق پورتالى.
