اكىمدەر سايلاۋى ناقتى جانە اۋقىمدى وزگەرىستەرگە مۇمكىندىك بەرەدى

3534
Adyrna.kz Telegram

بۇگىن اۋىلدار مەن اۋداندىق ماڭىزى بار قالالاردىڭ اكىمدەرىن سايلاۋ ءوتىپ جاتىر. پرەزيدەنت ق.توقاەۆتىڭ بيلىكتىڭ اتقارۋشى تارماعىنداعى باسشىلاردىڭ سايلانبالىلىعىن ەنگىزۋ جونىندەگى بۇل رەفورماسىنىڭ ماڭىزى وتە زور. ونىڭ ۇستىنە، اتالعان سايلاۋ وسى باعىتتاعى العاشقى قادام عانا. 

قازىردىڭ وزىندە اۋداندار مەن وبلىستىق ماڭىزى بار قالالار اكىمدەرىنىڭ سايلانبالىلىعى ەنگىزىلگەن جىل بەلگىلەنگەن (2024 ج.). ال وندا وتاندىق مەگاپوليستەردى قوسا العاندا، بارلىق دەڭگەيدەگى اكىمدەردىڭ سايلانبالىلىعى پەرسپەكتيۆالارى پايدا بولۋدا.
سوندىقتان بۇگىنگى سايلاۋ كوبىنەسە بيلىكتىڭ وسى جۇيەلى وزگەرىستەرگە قاتىناسىنىڭ قوزعاۋشى كۇشى بولادى دەپ سانايمىن. تاياۋدا ماجىلىستە سايلاۋ تۋرالى زاڭناماعا تۇزەتۋلەردى تالقىلاۋ بارىسىندا ءبىز اكىمدەردى سايلاۋ راسىمدەرىنىڭ وسى باستامانىڭ دامۋىنا ىقپال ەتۋىنىڭ قاجەتتى مەحانيزمىن جاساۋعا تىرىستىق.
سونىمەن بىرگە كەيبىر جاعدايلاردا ايماقتىق سايلاۋ كوميسسيالارى بۇگىنگى سايلاۋدىڭ اشىقتىعى مەن باسەكەلەستىك دەڭگەيىنە ادەيى نۇقسان كەلتىرىپ جاتقانىن بايقاۋدامىز.
وتكەن اپتالاردا ورتالىق سايلاۋ كوميسسياسىنا «اق جول» دەموكراتيالىق پارتياسىنىڭ كانديداتتارىنا جەرگىلىكتى جەرلەردە جاسالعان شەكتەۋلەر تۋرالى بىرقاتار حاتتار جىبەردىم، الايدا قاناعاتتانارلىق جاۋاپ تا جوق، قويىلعان ماسەلەلەر دە شەشىلگەن جوق.
بۇگىن ءبىزدىڭ باقىلاۋشىلارىمىز داۋىس بەرۋ بارىسىندا ورىن العان بۇزۋشىلىقتاردى انىقتاپ جاتىر. وسىعان بايلانىستى پارتيانىڭ ورتالىق كەڭسەسىنىڭ وتىرىسىن وتكىزدىم، ول سايلاۋ بارىسىن قاداعالاپ، فيليالداردىڭ جۇمىسىن ۇيلەستىرەدى.
وسى ناۋقاننىڭ قورىتىندىسى بويىنشا ۋاكىلەتتى ورگاندارعا ۇندەۋلەر مەن زاڭناماعا ۇسىنىستار جىلدىڭ دايىندايمىز. سوعان قاراماستان، اتقارۋشى بيلىكتى سايلاۋدىڭ العاشقى تاجىريبەسىنىڭ ماڭىزى ۇلكەن. مەنىڭ ويىمشا، ول قوعام مەن مەملەكەتتىك ورگاندار اراسىنداعى قارىم-قاتىناستا ناقتى جانە اۋقىمدى وزگەرىستەرگە مۇمكىندىك بەرەدى. كەيبىر جەرگىلىكتى سايلاۋ كوميسسيالارى مۇنى تۇسىنبەيتىنى (نەمەسە تۇسىنگىسى كەلمەيدى مە؟) وتە وكىنىشتى. بۇل باسەكەلەستىكتى شەكتەپ قانا قويماي، سونىمەن قاتار ناۋقاندى جەكەلەگەن اۋىلدار مەن قالالاردىڭ اۋقىمىنا دەيىن تومەندەتۋدە.
سايلاۋ بارىسىن باقىلاۋ جۇمىستارىن جالعاستىرا بەرەمىز.

 

ازات پەرۋاشەۆ،

"اق جول" پارتياسىنىڭ توراعاسى.

پىكىرلەر
باسقا ماتەريالدار