ەلىمىزدىڭ ەڭ جاس ماجىلىسىمەندەرى ءمادي احمەتوۆ پەن تىلەكتەس ادامبەكوۆ شىمكەنتتە ارنايى ات باسىن بۇردى. ءىس-ساپار بارىسىندا حالىق قالاۋلىلارى «Nur Otan» پارتياسى شىمكەنت قالالىق فيليالى جانىنداعى «جاستاردى قولداۋ» كەڭەسىنىڭ وتىرىسىنا قاتىستى. جيىن بارىسىندا دەپۋتاتتار جاس كاسىپكەرلەرمەن تىلدەسىپ، ولاردىڭ تالاپ-تىلەكتەرىن تىڭدادى.
كەڭەس وتىرىسىنا جاستاردى قولداۋ جونىندەگى رەسپۋبليكالىق قوعامدىق كەڭەستىڭ توراعاسى ءمادي احمەتوۆ ارنايى قاتىستى. توراعا ايماقتاعى ايتۋلى ماسەلەلەرگە قۇلاق ءتۇرىپ، ءوز ويىن ورتاعا سالدى. جيىندا ازاماتتىق بەلسەندىلىك، جاستاردى جۇمىسپەن قامتۋ جانە بيزنەستى وركەندەتۋ سىندى تاقىرىپتار قارالدى.
ءمادي احمەتوۆ – قر پارلامەنتى ءماجىلىسىنىڭ دەپۋتاتى
سونداي-اق، حالىق قالاۋلىلارى م.اۋەزوۆ اتىنداعى وقۋ-دىڭ جاڭادان بوي كوتەرگەن جاتاقحاناسىنىڭ قۇرىلىسىمەن تانىستى. 5 قاباتتى ستۋدەنتتەر ۇيىنە دەپۋتاتتار وڭ باعا بەردى. جاۋاپتىلاردىڭ ايتۋىنشا، جاتاقحانا اعىمداعى جىلدىڭ قىركۇيەك ايىندا پايدالانۋعا بەرىلەدى دەپ جوسپارلانۋدا.
قايرات نۇرمانبەتوۆ – م.اۋەزوۆ اتىنداعى وقۋ-دىڭ ءبىرىنشى پرورەكتورى
ماجىلىسمەندەر مەن قالالىق كەڭەس مۇشەلەرى ءىس-ساپارىن اسار-2 تۇرعىن الابىندا جالعاستىردى. ونداعى جاس وتباسىلار مەن جاستارعا بەرىلگەن پاتەرلەردىڭ ساپاسىمەن تانىسىپ، تۇرعىندارمەن تىلدەستى. ءوز كەزەگىندە تۇرعىندار دا مۇقتاجدىقتارىمەن ءبولىستى.
ايگۇل قورالاسباەۆا – قالا تۇرعىنى
جەرگىلىكتى دەپۋتاتتار تۇرعىندار ءوتىنىشى قىركۇيەك ايىندا ورىندالىپ، مۇندا جاڭا سپورت الاڭشاسى سالىناتىندىعىن ايتتى. ەلوردالىق وكىلدەر ءۇشىنشى مەگاپوليستە كوتەرىلگەن ماسەلەلەر جەردە قالمايتىندىعىن جەتكىزدى.
پەريزات ورتاي
