Elımızdıŋ eŋ jas Mäjılısımenderı Mädi Ahmetov pen Tılektes Adambekov Şymkentte arnaiy at basyn būrdy. Is-sapar barysynda halyq qalaulylary «Nur Otan» partiiasy Şymkent qalalyq filialy janyndaǧy «Jastardy qoldau» keŋesınıŋ otyrysyna qatysty. Jiyn barysynda deputattar jas käsıpkerlermen tıldesıp, olardyŋ talap-tılekterın tyŋdady.
Keŋes otyrysyna Jastardy qoldau jönındegı respublikalyq qoǧamdyq keŋestıŋ töraǧasy Mädi Ahmetov arnaiy qatysty. Töraǧa aimaqtaǧy aituly mäselelerge qūlaq türıp, öz oiyn ortaǧa saldy. Jiynda azamattyq belsendılık, jastardy jūmyspen qamtu jäne biznestı örkendetu syndy taqyryptar qaraldy.
Mädi Ahmetov – QR Parlamentı Mäjılısınıŋ deputaty
Sondai-aq, halyq qalaulylary M.Äuezov atyndaǧy OQU-dyŋ jaŋadan boi kötergen jataqhanasynyŋ qūrylysymen tanysty. 5 qabatty studentter üiıne deputattar oŋ baǧa berdı. Jauaptylardyŋ aituynşa, jataqhana aǧymdaǧy jyldyŋ qyrküiek aiynda paidalanuǧa berıledı dep josparlanuda.
Qairat Nūrmanbetov – M.Äuezov atyndaǧy OQU-dyŋ bırınşı prorektory
Mäjılısmender men qalalyq keŋes müşelerı ıs-saparyn Asar-2 tūrǧyn alabynda jalǧastyrdy. Ondaǧy jas otbasylar men jastarǧa berılgen päterlerdıŋ sapasymen tanysyp, tūrǧyndarmen tıldestı. Öz kezegınde tūrǧyndar da mūqtajdyqtarymen bölıstı.
Aigül Qoralasbaeva – qala tūrǧyny
Jergılıktı deputattar tūrǧyndar ötınışı qyrküiek aiynda oryndalyp, mūnda jaŋa sport alaŋşasy salynatyndyǧyn aitty. Elordalyq ökılder üşınşı megapoliste köterılgen mäseleler jerde qalmaityndyǧyn jetkızdı.
Perizat Ortai
