سوت سالاسىندا تسيفرلاندىرۋ جۇيەسى وڭتايلانىپ كەلەدى. قالامىزداعى جەرگىلىكتى سوتتاردا ءوتىپ جاتقان بارلىق سوت وتىرىستارى اۋديوبەينەجازباعا جازىلىپ، سەرۆەرلەرگە ساقتالادى. بۇل ءوز كەزەگىندە اشىقتىقتى دا قامتاماسىز ەتىپ وتىر.
ونىڭ ايتۋىنشا، وسىنداي اۋديوبەينەجازبامەن 52 سوت زالى جابدىقتالعان. جىل سوڭىنا دەيىن قوسىمشا 13 سوت زالىمەن تولىقتىرىلىپ، 65-كە جەتەدى. تسيفرلاندىرۋدىڭ ارتىقشىلىعىنا سوتقا كەلۋشىلەردىڭ كارانتين كەزىندە كوزدەرى جەتتى. پاندەمياعا دەيىن قالا سوتتارىندا كۇنىنە 10 شاقتى عانا ءىس قاشىقتان جۇرگىزىلگەن. بىلتىر ەلىمىزدە توتەنشە جاعداي رەجيمى، ودان ءارى كارانتيندىك ءتارتىبى ەنگىزىلگەننەن كەيىن بۇل كورسەتكىش 100 پايىزعا جۋىقتادى. قالا سوتتارى كۇندەلىكتى 240-قا جۋىق سوت پروتسەسىن «WhatsApp»، «TrueConf»، «Zoom»، «Skype» جانە ت.ب. ءموبيلدى قوسىمشالارىنىڭ كومەگىمەن وتكىزىپ وتىرعان.
اكەجان ەلشىباەۆ - شىمكەنت قالاسى بويىنشا سوتتار اكىمشىسىنىڭ كەڭسە مەڭگەرۋشىسى
سوتقا تۇسەتىن قۇجاتتاردىڭ دا ەلەكتروندى تۇردەگى ۇلەسى ارتتى. سوت جۇيەسى تسيفرلاندىرۋ بويىنشا كوش باسىندا. بۇل – اشىقتىققا باستار جول. جاريالىلىقتى قامتاماسىز ەتۋ ماقساتىندا باق وكىلدەرىن قىزىقتىرعان سوت پروتسەسىن قاشىقتان باقىلاۋى ءۇشىن كارانتين تالاپتارىن ساقتاي وتىرىپ، سوت عيماراتىنىڭ ىشىنە كىرىپ، ەكراننان كورىپ وتىرۋىنا جاعداي جاسالعان.
نازكەن سكاندار
