Sot salasynda sifrlandyru jüiesı oŋtailanyp keledı. Qalamyzdaǧy jergılıktı sottarda ötıp jatqan barlyq sot otyrystary audiobeinejazbaǧa jazylyp, serverlerge saqtalady. Būl öz kezegınde aşyqtyqty da qamtamasyz etıp otyr.
Onyŋ aituynşa, osyndai audiobeinejazbamen 52 sot zaly jabdyqtalǧan. Jyl soŋyna deiın qosymşa 13 sot zalymen tolyqtyrylyp, 65-ke jetedı. Sifrlandyrudyŋ artyqşylyǧyna sotqa keluşılerdıŋ karantin kezınde közderı jettı. Pandemiiaǧa deiın qala sottarynda künıne 10 şaqty ǧana ıs qaşyqtan jürgızılgen. Byltyr elımızde tötenşe jaǧdai rejimı, odan ärı karantindık tärtıbı engızılgennen keiın būl körsetkış 100 paiyzǧa juyqtady. Qala sottary kündelıktı 240-qa juyq sot prosesın «WhatsApp», «TrueConf», «Zoom», «Skype» jäne t.b. mobildı qosymşalarynyŋ kömegımen ötkızıp otyrǧan.
Äkejan Elşıbaev - Şymkent qalasy boiynşa sottar äkımşısınıŋ keŋse meŋgeruşısı
Sotqa tüsetın qūjattardyŋ da elektrondy türdegı ülesı artty. Sot jüiesı sifrlandyru boiynşa köş basynda. Būl – aşyqtyqqa bastar jol. Jariialylyqty qamtamasyz etu maqsatynda BAQ ökılderın qyzyqtyrǧan sot prosesın qaşyqtan baqylauy üşın karantin talaptaryn saqtai otyryp, sot ǧimaratynyŋ ışıne kırıp, ekrannan körıp otyruyna jaǧdai jasalǧan.
Nazken Skandar
