جىلى ءسوز بەن قولداۋ دا ۆولونتەرلىككە جاتادى - ۆولونتەر

5324
Adyrna.kz Telegram

سوڭعى جىلدارى ەرىكتىلەر قاتارى كوبەيىپ، ۆولەنتەرلىك قىزمەت جاندانىپ كەلە جاتىر. قازاقستاننىڭ ءار ايماق، وبلىسىندا ۆولونتەرلەر كلۋبى بار. “ادىرنا” ۇلتتىق پورتالىنىڭ كەزەكتى سۇحباتى نازارباەۆا ۋنيۆەرسيتەتىنىڭ ماگيستراتۋرا تۇلەگى، اتىراۋ وبلىسى قۇرمانعازى اۋدانىنىڭ تۋماسى ەرىكتىلەر قاتارىنا ءوز ەركىمەن قوسىلىپ، يگى ىستەر اتقارىپ جۇرگەن دجۋماگاليەۆا ايدانا حانىممەن بولدى.

-ەڭ الدىمەن ءوزىڭىز تۋرالى بايانداپ وتسەڭىز?

-مەن دجۋماگاليەۆا ايدانا، اتىراۋ وبلىسى قۇرمانعازىاۋدانىنىڭ تۋماسىمىن. ماماندىعىم – ەكى شەتەل ءتىلىنىڭ مۇعالىمى. جۋىردا نازارباەۆ ۋنيۆەرسيتەتىندە «كوپتىلدىكبىلىم بەرۋ» باعدارلاماسى بويىنشا ماگيستراتۋرا اياقتادىم.

بەلسەندى ءومىر سالتىن ۇستانامىن، قوعامدىق ۇيىمداردىڭ مۇشەسى بولىپ، كوپشىلىكپەن جۇمىس جاساعاندى ۇناتامىن.

-ءسىزدىڭ ەسىمىڭىزدى ء“بىز بىرگەمىز” ۆولونتەر كومانداسىنىڭ تىزىمىنەن كورگەم. ۆولونتەرلىك قىزمەتكە قالاي كەلدىڭىز؟

-مەنىڭ ۆولونتەرلىك تۋرالى جالپى تۇسىنىگىم، وعان دەگەن قىزىعۋشىلىعىم بىرتە-بىرتە دامىدى.

العاشقى ۆولونتەرلىك قىزمەتىم سوناۋ 2014 ج. باستالعان ەدى. سول جىلى قازاقستان مەن رەسەي وڭىرارالىق ىنتىماقتاستىعىنىڭ XI فورۋمى وتكەن بولاتىن.

فورۋمعا اتىراۋ قالاسى بويىنشا وقۋ ورىندارىنىڭ ستۋدەنتتەرىن ەرىكتىلەر (ۆولونتەرلەر) رەتىندە قاتىسۋعا ششاقىردى. “اتىراۋ ۆولونتەرلەر كورپۋسى” قۇرىلىپ، ۇلكەن كومانداعا اينالدىق.

ول جەردەگى قىزمەتىمىز كوبىنەسە بىزگە جۇكتەلگەن ءىس-شارالار اياسىندا بولعان ەدى: فورۋمدار، جيىن-كەزدەسۋلەردە كومەكشىلەر رەتىندە قىزمەت اتقاردىق.

وسى توپتا 2 جىلداي مۇشە بولىپ، كەيىن كوپشىلىك ستۋدەنتتەردىڭ وقۋى اياقتالىپ، جۇمىسقا ورنالاسىپ، جاڭا ەرىكتىلەر لەگى كەلدى.

ال “BizBirgemiz” ۆولونتەرلار توبىنا 2018 جىلى ءوز ەركىممەن قوسىلدىم. ولاردىڭ قىركۇيەك ايىندا ۇيىمداستىرعان ۇستەل تەننيسى بويىنشا قايىرىمدىلىق تۋرنيرىنە قاتىسۋشى رەتىندە بارىپ، كەيىن كوماندا مۇشەسىنە اينالدىم.

ماعان ۇناعانى – بۇل ۆولونتەرلەر توپ رەتىندە ءوز ەرىكتەرىمەن جوسپار قۇرىپ، شارالارىن ۇيىمداستىرادى.

باستى جۇمىس باعىتى – جاعدايى ناشار وتباسىلارعا  الەۋمەتتىك كومەك كورسەتۋ. كۇنى بۇگىنگە دەيىن توپ مۇشەلەرىنىڭ سانى ارتۋدا.

كەيدە ءبىزدىڭ توپتى رەسپۋبليكالىق «ءبىز بىرگەمىز» جوباسىمەن شاتىستىرادى.

الايدا، ءبىز ولارعا جاتپايمىز، جەكە ۆولونتەرلىك توپ بولىپ تابىلامىز.

-ءوز ەركىڭىزبەنەرىكتى ۆولونتەر” اتاندىڭىز. بۇل ساۋاپتى جولدان نە ۇيرەندىڭىز?

-جالپى ۆولونتەرلىك قىزمەتتىڭ بەرەرى مەن ۇيرەتەرى كوپ.

بىرىنشىدەن، توپ مۇشەسىنە اينالعان سوڭ تانىستار مەن دوستاردىڭ قاتارى كوبەيەدى.

ەكىنشىدەن، ءىس-شارا وتكىزگەن سايىن ادامدارمەن قارىم-قاتىناس جاساۋ، كەلىسوز جۇرگىزۋ جانە ۇيىمداستىرۋ سەكىلدى داعدىلار داميدى. سونىڭ ناتيجەسىندە ۇلكەن ومىرلىك تاجىريبە جينالادى.

ۇشىنشىدەن، ءبىزدىڭ توپتىڭ نەگىزگى جۇمىس اتقاراتىن باعىتى – الەۋسەتتىك كومەك. وسى جولدا جاعدايى اۋىر وتباسىلارمەن، قيىن جاعدايعا تاپ بولعان جاندارمەن كەزدەسەتىن جاعدايلار بولادى.

وسى جولدا «ەموتسيونالدى ينتەللەكتتىڭ» ءرولى زور، سەبەبى ءبىز تەك ءوز ەموتسيامىزدى تانىپ-ءبىلىپ قانا قويماي، باسقالاردىڭ سەزىمدەرىنە، جاعدايىنا ورتاقتاسىپ، ءمان بەرۋىمىز كەرەك.

ەڭ ماڭىزدىسى، جالپى ۆولونتەرلەردى «ەرىكتىلەر» دەپ اتاعان سوڭ، ءوز ەركىڭمەن قوعامدا بەلگىلى-ءبىر ۇلەسىڭدى قوسىپ، جاقسىلىق جاسايتىن قابىلەتىڭنىڭ بولعانىنا ريزاشىلىق پايدا بولادى.

-پاندەميا كەزىندە ۆولونتەرلاردىڭ قىزمەتى ون ەسەگە كوبەيدى. قانداي قيىنشىلىقتار كەزدەستى؟ اۋرۋ ورشىگەن ۋاقىتتا ءوز دەنساۋلىقتارىڭىزعا زيان كەلدى مە؟

-ارينە، پاندەميا كەزىندە ەرىكتىلەردەن كوپ كومەك كۇتىلدى. وسى كەزەڭدە جاعداي قيىن بولعاندىقتان، مۇمكىندىكتەر دە شەكتەۋلى بولدى. ءبىز كوبىنەسە شارالار ۇيىمداستىرىپ، سودان جينالعان قاراجات ارقىلى كومەك بەرەتىن ەدىك.

الايدا، كوپشىلىك قاتىساتىن جيىندار جاساۋعا تيىم سالىنعاندىقتان، ءبىزدىڭ جۇمىسىمىز باسەڭدەپ قالدى.

سوندىقتان، كومەك بەرۋدىڭ جاڭا جولدارىن تابۋعا تىرىستىق.

مىسالى، كومەك بەرە الاتىن جاندار مەن كومەككە مۇقتاج جاندار اراسىنداعى كوپىر بولۋعا تىرىستىق، ماتەريالدىق نەمەسە زاتتاي كومەك.

-اتىراۋ وبلىسىندا ءوزىڭىز سەكىلدى ەرىكتى جاستار كوپ پە؟ جانە ەرىكتىلەردىڭ كومەگىنە ءزارۋ ادام قاتارى شە؟

-مەنىڭ اينالامدا ۆولونتەر دوستارىم كوپ.

كوپشىلىگى الەۋمەتتىك كومەك باعىتىمەن اينالىسادى.

ۆولونتەرلىك تاجىريبەمنەن ايتارىم، كەز-كەلگەن وڭىردە كومەككە ءزارۋ جاندار ءاردايىم بولادى.

-جاستاردى ۆولونتەرلىككە تاربيەلەۋ ءۇشىن نە ىستەۋ كەرەك?

قازىرگى تاڭدا ەڭ كۇشتى قۇرال – الەۋمەتتىك جەلىلەر / ينتەرنەت بولىپ تابىلادى.

جاستاردىڭ نازارى سوندا بولعاندىقتان، نەگە سول رەسۋرستى پايدالانباسقا؟!

-ۆولونتەر بولۋ ءۇشىن “جۇمساق جۇرەك، مەيىرىمدى كوڭىل” قاجەت پە؟

مەنىڭ ويىمشا ۆولونتەر - جاقسىلىق جاساۋعا، قول ۇشىن سوزۋعا دايىن تۇراتىن جان. ول ءوز ەركىمەن ۋاقىتىن ءبولىپ، باسقالارعا كومەگىن بەرگىسى كەلەدى.

الايدا، “جۇمساق جۇرەك، مەيىرىمدى كوڭىل” ەڭ باستى كريتەري ەمەس دەپ ويلايمىن. كەز كەلگەن ادام ۆولونتەر بولا الادى.

ۆولونتەر ول تەك قوعامعا، مۇقتاج جاندارعا كومەك بەرۋ ەمەس، سونىمەن قاتار تۋعان-تۋىستارىڭا قامقور بولۋ، جىلى ءسوز ايتۋ، قولداۋ ارقىلى دا كورىنە الادى دەپ ويلايمىن.

سوندىقتان، رەسمي اتاۋىنان بولەك ارقايسىسىمىز جاسقا، جىنىسقا، ۇلتقا، مۇمكىندىككە قاراماستان ۆولونتەر بولا الامىز.

سۇحباتتاسقانىڭىزعا راقمەت!

ءىنجۋ ومىرزاق،

”ادىرنا” ۇلتتىق پورتالى

 

 

 

پىكىرلەر