77 كەلى سالماقتا ونەر كورسەتەتىن گرەك-ريم كۇرەسىنىڭ شەبەرى، قىرعىز بالۋانى اقجول ماحمۋدوۆتى قازاقستان اتىنان كۇرەسۋگە شاقىرعان. بۇل تۋرالى سپورتشىنىڭ اكەسى «Sputnik قىرعىزستان»-عا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
«الماتى جانە شىمكەنت وبلىستارىنان ۇسىنىستار كەلىپ ءتۇستى. الماتىلىقتار اقجولعا ءۇش بولمەلى پاتەر، 3 مىڭ دوللار شاكىرتاقى، ماعان جاقسى جۇمىس ۇسىندى. ال قالعان ەكى ۇلىما دايىندالۋ ءۇشىن جاقسى جاعداي جاساپ بەرەمىز دەپ ۋادە ەتكەن ەدى. تۇركيادان دا ۇسىنىستار بولدى. ولار ماعان جەكە ەشتەڭە ايتقان جوق، بىراق دەلدالدار ارقىلى ۇلىما وسى ەلدىڭ نامىسى ءۇشىن كۇرەسۋدى ۇسىندى. 200 مىڭ دوللار تولەۋگە ۋادە بەردى. بۇل وقيعا 2017 جىلى بولعان ەدى.
الايدا اقجولدا پاتريوتيزم سەزىمى جوعارى دامىعان. ۇلىم وتانىن جاقسى كورەتىنىن جانە بۇل جەردەن ەشقانداي اقشا كەتپەيتىنىن كەسىپ ايتتى»،– دەدى ول.
ايتا كەتەيىك، اقجول ماحمۋدوۆ گرەك-ريم كۇرەسىنەن توكيو وليمپياداسىنىڭ كۇمىس جۇلدەگەرى اتانعان ەدى.
«ادىرنا» ۇلتتىق پورتالى
