77 kelı salmaqta öner körsetetın grek-rim küresınıŋ şeberı, qyrǧyz baluany Aqjol Mahmudovty Qazaqstan atynan küresuge şaqyrǧan. Būl turaly sportşynyŋ äkesı «Sputnik Qyrǧyzstan»-ǧa bergen sūhbatynda aitty, dep habarlaidy «Adyrna» tılşısı.
«Almaty jäne Şymkent oblystarynan ūsynystar kelıp tüstı. Almatylyqtar Aqjolǧa üş bölmelı päter, 3 myŋ dollar şäkırtaqy, maǧan jaqsy jūmys ūsyndy. Al qalǧan ekı ūlyma daiyndalu üşın jaqsy jaǧdai jasap beremız dep uäde etken edı. Türkiiadan da ūsynystar boldy. Olar maǧan jeke eşteŋe aitqan joq, bıraq deldaldar arqyly ūlyma osy eldıŋ namysy üşın küresudı ūsyndy. 200 myŋ dollar töleuge uäde berdı. Būl oqiǧa 2017 jyly bolǧan edı. Alaida Aqjolda patriotizm sezımı joǧary damyǧan. Ūlym Otanyn jaqsy köretının jäne būl jerden eşqandai aqşa ketpeitının kesıp aitty»,– dedı ol.Aita keteiık, Aqjol Mahmudov grek-rim küresınen Tokio Olimpiadasynyŋ kümıs jüldegerı atanǧan edı.
«Adyrna» ūlttyq portaly
