قر باس مەملەكەتتىك سانيتاريالىق دارىگەرى ەرلان قياسوۆ جاڭا وقۋ جىلىنا قاتىستى جاڭا قاۋلىعا قول قويدى، دەپ حابارلايدى “ادىرنا” ۇلتتىق پورتالى.
جاڭا قۇجاتقا سايكەس، 2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقۋعا رۇقسات ەتىلەدى.
ول ءۇشىن تومەندەگىدەي سانيتاريالىق-ەپيدەمياعا قارسى ءىس-شارالاردى ساقتاۋ قاجەت:
پەداگوگتار مەن پەرسونالدىڭ 100% ۆاكتسيناتسيالانۋى (تۇراقتى مەديتسينالىق قارسى كورسەتىلىمدەرى بار ادامداردى، COVID-19 اۋىرىپ ساۋىققان ادامداردى ساۋىققاننان كەيىن 3 اي ىشىندە قوسپاعاندا);
ۇيىمعا كىرۋ كەزىندە «Ashyq» قوسىمشاسىن ەنگىزۋ (پەداگوگتاردى، پەرسونالدى، اتا-انالاردى (زاڭدى وكىلدەردى), 18 جانە ودان جوعارى جاستاعى ءبىلىم الاتىن كەلۋشىلەردى QR-كود (check-in) بويىنشا تىركەۋ);
ماسكا رەجيمىن ساقتاۋ;
رەتسيركۋلياتورلاردىڭ، سانيتايزەرلەردىڭ، تەرى انتيسەپتيكتەرىنىڭ، دەزينفەكتسيالاۋ جانە جۋ قۇرالدارىنىڭ جەتكىلىكتى سانىمەن قامتاماسىز ەتۋ;
ءۇي-جايلاردى جيناۋ جانە دەزينفەكتسيالاۋ جيىلىگىن ارتتىرۋ;
ءۇي-جايلاردى ىلعالدى جيناۋ جانە دەزينفەكتسيالاۋ، ءۇي-جايلاردىڭ اۋاسىن جەلدەتۋ جانە زارارسىزداندىرۋ رەجيمىنە قويىلاتىن تالاپتاردى ساقتاۋ;
پەداگوگتاردىڭ، پەرسونالدىڭ جانە ءبىلىم الۋشىلاردىڭ كۇندەلىكتى «كىرۋ» سۇزگىسى (بايلانىسسىز تەرمومەترمەن تەرمومەتريا);
بۇقارالىق ءىس-شارالاردى وتكىزۋگە تىيىم سالۋ (مادەني، تاربيە، سىنىپتان تىس جانە اتا-انالار جينالىستارى جانە ت. ب.);
مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالۋ;
زەرتحانالىق، پراكتيكالىق ساباقتاردى قوسپاعاندا، كابينەتتىك وقىتۋ جۇيەسىن بولدىرماۋ;
باستاۋىش، ورتا جانە جوعارى سىنىپ وقۋشىلارىن بولەك ۇستاۋ (ساباقتىڭ باستالۋ ۋاقىتى بويىنشا ەڭ جوعارى مۇمكىندىكتى ەسكەرە وتىرىپ) جاعدايلارىندا وقىتۋ قاجەت.
مەكتەپكە دەيىنگى جانە ورتا ءبىلىم بەرۋ ۇيىمدارىنا، كوللەدجدەرگە، اسحانالار مەن بۋفەتتەردى قوسا العاندا، جوعارى وقۋ ورىندارىنا:
- رەسپيراتورلىق ينفەكتسيا بەلگىلەرى بار ادامدارعا (جوتەل، مۇرىننىڭ بىتەلۋى، دەنە تەمپەراتۋراسى 37 گرادۋستان جوعارى);
- QR-كود بويىنشا تىركەۋ كەزىندە «سارى» جانە «قىزىل» مارتەبەسى بار ادامدارعا («پتر-زەرتتەۋلەردىڭ بىرىڭعاي ينتەگراتسيالىق پورتالى» جانە «COVID-19 باقىلاۋ ورتالىعى» اقپاراتتىق جۇيەلەرىندە تىركەلگەن، COVID-19-عا پتر-تەستىلەۋدىڭ وڭ ناتيجەسى بار، «ينفەكتسيا جۇقتىرعان» مارتەبەسى بار پاتسيەنت رەتىندە نەمەسە COVID-19-بەن اۋىراتىن پاتسيەنتپەن بايلانىس رەتىندە;
- COVID-19-عا قارسى ۆاكتسيناتسياسى جوق پەداگوگتار مەن پەرسونالعا (تۇراقتى مەديتسينالىق قارسى كورسەتىلىمدەرى بار، اۋىرىپ جازىلعان ادامداردى ساۋىققاننان كەيىن 3 اي ىشىندە قوسپاعاندا) كىرۋگە رۇقسات ەتىلمەيدى.
