مەگاپوليستە اۋىز سۋ ماسەلەسى الىدە وزەكتى. قازىرگى تاڭدا قالادا 81 ەلدى مەكەننىڭ 5-ءى كەستەمەن، 7-ەۋى سۋدى تاسىپ ىشەدى. قالعان 69 ەلدى مەكەن ساپالى اۋىز سۋمەن تولىق قامتىلعان. اتالمىش كورسەتكىشتى 100 پايىزعا جەتكىزۋ ءۇشىن اۋقىمدى شارۋالار اتقارىلۋدا. بۇل تۋرالى شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بولاتبەكوۆ ءباسپاسوز بريفينگىندە باياندادى.
بيىل اتالعان ەلدى مەكەندەردى اۋىز سۋمەن قامتاماسىز ەتۋ ماقساتىندا 14 نىساننىڭ قۇرىلىس جۇمىستارى جۇرگىزىلۋدە. وسى جىلى 3 ماگيسترالدى سۋاققى، تاسىمالدى 7 ەلدى مەكەن جانە كەستەمەن 2 ەلدى مەكەننىڭ قۇرىلىسى اياقتالىپ، 25,6 مىڭ ادام اۋىز سۋمەن قامتىلادى. ناتيجەسىندە، قامتىلۋ كورسەتكىشى 95,6%-دان 98 پايىزعا وسەدى، – دەدى باسقارما باسشىسى.
بورانباي بولاتبەكوۆ -شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى
تاسىمالدى 7 ەلدى مەكەندى ءبىز تولىق بىتىرەمىز بيىل. كەستەمەن ىشەتىن 5 ەلدى مەكەننىڭ بىرەۋى قايناربۇلاق جوبالىق سمەتا جاساپ جاتىرمىز.
قاراتاۋ اۋدانى بويىنشا 3 ماگيسترالدى سۋاققىنىڭ جانە 3 شاعىن اۋداندا تۇران، اسار-2, نۇرتاس، ءال-فارابي اۋدانى بويىنشا 2 شاعىن اۋداندا ساۋلە، اقتاس، اباي اۋدانى بويىنشا 6 شاعىن اۋداندا ىنتىماق-2, باتىس-جاڭاتۇرلان، جاڭاتالاپ، سولتۇستىك ساياجاي، قۇرساي 1, قۇرساي 2 ىشكى اۋىز سۋ جۇيەسىنىڭ قۇرىلىس جۇمىستارى جۇرگىزىلۋدە.
بورانباي بولاتبەكوۆ - شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى
25 شاقىرىم ۇزىندىعى مەن تارتىپ كەلە جاتىرمىز. جىلدىڭ اياعىنا دەيىن 3 ماگيسترالدى سۋ قۇبىرىن تارتىپ الىپ كەلەمىز. سۋدىڭ داۆلەنياسى كوتەرىلەدى.
ايتا كەتەيىك، وسى جىلى قاراتاۋ مەن ءال-فارابي اۋداندارىندا قۇرىلىس جۇمىستارى اياقتالىپ، پايدالانۋعا بەرىلەدى. ال جىل قورىتىندىسىمەن اباي اۋدانىنداعى 5 شاعىن اۋداندا قۇرىلىس جۇمىستارى اياقتالىپ پايدالانۋعا بەرىلسە، قۇرساي 1 ەتاپ، قۇرساي 2 –دە قۇرىلىس جۇمىستارى كەلەسى جىلعا وتپەلى بولماق.
ك. دۇيسەنبى
