Megapoliste auyz su mäselesı älıde özektı. Qazırgı taŋda qalada 81 eldı mekennıŋ 5-ı kestemen, 7-euı sudy tasyp ışedı. Qalǧan 69 eldı meken sapaly auyz sumen tolyq qamtylǧan. Atalmyş körsetkıştı 100 paiyzǧa jetkızu üşın auqymdy şarualar atqaryluda. Būl turaly Şymkent qalalyq Energetika jäne infraqūrylymdy damytu basqarmasynyŋ basşysy Boranbai Bolatbekov baspasöz brifingınde baiandady.
Biyl atalǧan eldı mekenderdı auyz sumen qamtamasyz etu maqsatynda 14 nysannyŋ qūrylys jūmystary jürgızılude. Osy jyly 3 magistraldy suaqqy, tasymaldy 7 eldı meken jäne kestemen 2 eldı mekennıŋ qūrylysy aiaqtalyp, 25,6 myŋ adam auyz sumen qamtylady. Nätijesınde, qamtylu körsetkışı 95,6%-dan 98 paiyzǧa ösedı, – dedı basqarma basşysy.
Boranbai Bolatbekov -Şymkent qalalyq Energetika jäne infraqūrylymdy damytu basqarmasynyŋ basşysy
Tasymaldy 7 eldı mekendı bız tolyq bıtıremız biyl. Kestemen ışetın 5 eldı mekennıŋ bıreuı qainarbūlaq jobalyq smeta jasap jatyrmyz.
Qaratau audany boiynşa 3 magistraldy suaqqynyŋ jäne 3 şaǧyn audanda Tūran, Asar-2, Nūrtas, Äl-Farabi audany boiynşa 2 şaǧyn audanda Säule, Aqtas, Abai audany boiynşa 6 şaǧyn audanda Yntymaq-2, Batys-Jaŋatūrlan, Jaŋatalap, Soltüstık saiajai, Qūrsai 1, Qūrsai 2 ışkı auyz su jüiesınıŋ qūrylys jūmystary jürgızılude.
Boranbai Bolatbekov - Şymkent qalalyq Energetika jäne infraqūrylymdy damytu basqarmasynyŋ basşysy
25 şaqyrym ūzyndyǧy men tartyp kele jatyrmyz. Jyldyŋ aiaǧyna deiın 3 magistraldy su qūbyryn tartyp alyp kelemız. Sudyŋ davleniiasy köterıledı.
Aita keteiık, osy jyly Qaratau men Äl-Farabi audandarynda qūrylys jūmystary aiaqtalyp, paidalanuǧa berıledı. Al jyl qorytyndysymen Abai audanyndaǧy 5 şaǧyn audanda qūrylys jūmystary aiaqtalyp paidalanuǧa berılse, Qūrsai 1 etap, Qūrsai 2 –de qūrylys jūmystary kelesı jylǧa ötpelı bolmaq.
K. Düisenbı
