مەملەكەت باسشىسى قاسىم-جومارت توقاەۆ حالىققا ارناعان جولداۋىندا جەمقورلىقپەن ۇستالعانداردىڭ مەملەكەتتىك قىزمەتتە جانە كۆازيمەملەكەتتىك سەكتوردا جۇمىس ىستەۋىنە ءومىر بويى تىيىم سالاتىن قاعيدا قاتاڭ ساقتالۋى كەرەكتىگىن ايتتى. سونداي-اق پرەزيدەنت سىبايلاس جەمقورلىق دەرەكتەرى تۋرالى حابارلاعان ادامداردى زاڭ جۇزىندە قورعايتىن جۇيە قالىپتاستىرۋ قاجەتتىگىن اتاپ كورسەتتى. ەل پرەزيدەنتى اتاپ وتكەندەي، جىل وتكەن سايىن كولەڭكەلى قىلمىسقا جول بەرگەندەرگە كەسىلەتىن جازا ءتۇرى قاتاڭداپ كەلەدى. دەگەنمەن جەڭ ۇشىنان جالعاسقان جەمقورلىق تاۋەكەلدەرىنىڭ تۋىنداۋى تەك ءبىر عانا تاراپتان بولمايتىندىعىن ەسكەرگەن ءجون. وسى ورايدا ەل دامۋىن باسەڭدەتىپ، حالىق پەن بيلىك اراسىنداعى بەرىك سەنىمدى سەتىنەتەتىن سىبايلاس جەمقورلىققا جول بەرمەۋ جانە ونىڭ دەڭگەىن تومەندەتۋ تەك سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەرىنە جۇكتەلگەن مىندەت ەمەس، ول ءاربىر قازاقستاندىققا ورتاق مىندەت ەكەندىگى بارشاعا بەلگىلى. سەبەبى بارماق باستى، كوز قىستى ارەكەتتەرگە جول بەرمەۋ كوپشىلىكتىڭ كوكەيىندەگى جالپىلاما ۇران بولعانمەن، ىسكە كەلگەندە ءاربىر ازاماتتىڭ، اردىڭ ءىسى ەكەنى انىق. قوعامدا پاراقورلىققا كوپ جاعدايدا تۇرعىنداردىڭ قۇقىقتىق ساۋاتتىلىعى مەن ازاماتتىق بەلسەندىلىكتىڭ تومەندىگى سەبەپ بولىپ جاتادى. تىرلىگىن تەڭگەمەن شەشۋگە تىرىسىپ، قىزمەت كورسەتۋشىگە قاراجات ۇسىنۋعا قۇمار ازاماتتاردىڭ ارەكەتتەرى «پارا بەرۋ، پارا ۇسىنۋ» قىلمىسىنىڭ تۋىنداۋىنا تىكەلەي ىقپال ەتۋدە. سوندىقتان دا پارا بەرۋشى بولماسا، پارا الۋشىدا بولمايتىنىن ەسكەرسەك، كوپشىلىك قاۋىم ەلدىڭ ەرتەڭگى بولاشاعى ءۇشىن ءوزىنىڭ ازاماتتىق بەلسەندىلىگىن تانىتۋى قاجەت-اق. سونىڭ ىشىندە ادال قوعامدى قالىپتاستىرۋدا ەلىمىزدىڭ ءاربىر ازاماتى ار تازالىعىن ساقتاپ قانا قويماي، ۇشىراسقان سىبايلاس جەمقورلىق دەرەكتەرىنە بەيجاي قاراماۋى ءتيىس. بۇگىنگى كۇنى ەلىمىزدە سىبايلاس جەمقورلىققا قارسى ءىس-قيمىل اگەنتتىگىنىڭ 1424 Call ورتالىعىنا قوڭىراۋ شالۋ ارقىلى تۇرعىندار ءوز اقپاراتتارىمەن بولىسۋىنە تولىقتاي مۇمكىنشىلىكتەرى بار جانە مەكەمەلەرگە ارىز-شاعىم قالدىرۋ ارقىلى وزىندە بار بارلىق مالىمەتتەرىن تولىقتاي سىبايلاس جەمقورلىققا قارسى قىزمەت وكىلدەرىنە ۇسىنا الادى. سىبايلاس جەمقورلىق دەڭگەيىن تومەندەتۋدىڭ توتە جولى ازاماتتىق بەلسەندىلىكتى ارتتىرا وتىرىپ، حالقىمىزعا ادال قىزمەت ەتۋ بولىپ ەسەپتەلەدى.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз