Para beruşı bolmasa, aluşy da bolmaidy

Memleket basşysy Qasym-Jomart Toqaev halyqqa arnaǧan Joldauynda jemqorlyqpen ūstalǧandardyŋ memlekettık qyzmette jäne kvazimemlekettık sektorda jūmys ısteuıne ömır boiy tyiym salatyn qaǧida qataŋ saqtaluy kerektıgın aitty. Sondai-aq Prezident sybailas jemqorlyq derekterı turaly habarlaǧan adamdardy zaŋ jüzınde qorǧaityn jüie qalyptastyru qajettıgın atap körsettı. El Prezidentı atap ötkendei, jyl ötken saiyn köleŋkelı qylmysqa jol bergenderge kesıletın jaza türı qataŋdap keledı. Degenmen jeŋ ūşynan jalǧasqan jemqorlyq täuekelderınıŋ tuyndauy tek bır ǧana taraptan bolmaityndyǧyn eskergen jön. Osy oraida el damuyn bäseŋdetıp, halyq pen bilık arasyndaǧy berık senımdı setınetetın sybailas jemqorlyqqa jol bermeu jäne onyŋ deŋgeın tömendetu tek Sybailas jemqorlyqqa qarsy ıs-qimyl agenttıgı qyzmetkerlerıne jüktelgen mındet emes, ol ärbır qazaqstandyqqa ortaq mındet ekendıgı barşaǧa belgılı. Sebebı barmaq basty, köz qysty äreketterge jol bermeu köpşılıktıŋ kökeiındegı jalpylama ūran bolǧanmen, ıske kelgende ärbır azamattyŋ, ardyŋ ısı ekenı anyq. Qoǧamda paraqorlyqqa köp jaǧdaida tūrǧyndardyŋ qūqyqtyq sauattylyǧy men azamattyq belsendılıktıŋ tömendıgı sebep bolyp jatady. Tırlıgın teŋgemen şeşuge tyrysyp, qyzmet körsetuşıge qarajat ūsynuǧa qūmar azamattardyŋ äreketterı «Para beru, para ūsynu» qylmysynyŋ tuyndauyna tıkelei yqpal etude. Sondyqtan da para beruşı bolmasa, para aluşyda bolmaitynyn eskersek, köpşılık qauym eldıŋ erteŋgı bolaşaǧy üşın özınıŋ azamattyq belsendılıgın tanytuy qajet-aq. Sonyŋ ışınde adal qoǧamdy qalyptastyruda elımızdıŋ ärbır azamaty ar tazalyǧyn saqtap qana qoimai, ūşyrasqan sybailas jemqorlyq derekterıne beijai qaramauy tiıs. Bügıngı künı elımızde Sybailas jemqorlyqqa qarsy ıs-qimyl agenttıgınıŋ 1424 Call ortalyǧyna qoŋyrau şalu arqyly tūrǧyndar öz aqparattarymen bölısuıne tolyqtai mümkınşılıkterı bar jäne mekemelerge aryz-şaǧym qaldyru arqyly özınde bar barlyq mälımetterın tolyqtai Sybailas jemqorlyqqa qarsy qyzmet ökılderıne ūsyna alady. Sybailas jemqorlyq deŋgeiın tömendetudıŋ töte joly azamattyq belsendılıktı arttyra otyryp, halqymyzǧa adal qyzmet etu bolyp esepteledı.