قارجىلىق مونيتورينگ اگەنتتىگىنىڭ شىمكەنت قالاسى بويىنشا اۋماقتىق دەپارتامەنتى تۇركىستان وبلىسى اكىمدىگىنىڭ ءبىلىم باسقارماسى ادىستەمەلىك ورتالىعىنىڭ باسشىسى مەن ەكى قىزمەتكەرىنە، سونداي-اق، شىمكەنت قالاسىنىڭ سەرىكتەس-تۇرعىنىنا قاتىستى 36 ملن. استام تەڭگەنى جىمقىرۋ دەرەگى بويىنشا قىلمىستىق ءىستى تەرگەۋدە، دەپ حابارلايدى «ادىرنا» ءتىلشىسى قر قما ءباسپاسوز قىزمەتىنە سىلتەمە جاساپ.
اقشالاي قاراجات ورتا مەكتەپ وقۋشىلارى مەن كوللەدج ستۋدەنتتەرىن رەسپۋبليكالىق سپورتتىق ءىس-شارالارعا دايىنداۋ شەڭبەرىندە تاماقتاندىرۋعا ارنالعان.
جىمقىرۋ ءتيىستى تىزىمدەمەدە سپورتشىلاردىڭ قولدارىن قولدان جاساۋ جولىمەن جۇزەگە اسىرىلدى. ياعني، بيۋدجەتتەن قاراجات ءبولىندى، ال سپورتشىلاردى ءتيىستى دەڭگەيدە دايارلاۋ جۇرگىزىلگەن جوق.
سونداي-اق، تەرگەۋ بارىسىندا ايىپتالۋشىلار الدىن الا ءسوز بايلاسۋ ارقىلى ولارعا قاتىستى جۇرگىزىلىپ جاتقان تەرگەۋدىڭ وڭ شەشىمى ءۇشىن ەتد جەدەل قىزمەتكەرىنە 6 ملن.تەڭگە سوماسىندا پارا بەرمەك بولعان.
ادىستەمەلىك ورتالىقتىڭ قىزمەتكەرلەرىنە 2 جىلدان 7 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن.
«قازىرگى ۋاقىتتا قىلمىستىق ءىس شىمكەنت قالاسىنىڭ پروكۋراتۋراسىندا. وزگە اقپارات جاريا ەتۋگە جاتپايدى»،— دەلىنگەن حابارلامادا.
«ادىرنا» ۇلتتىق پورتالى
