Qarjylyq monitoring agenttıgınıŋ Şymkent qalasy boiynşa aumaqtyq departamentı Türkıstan oblysy äkımdıgınıŋ bılım basqarmasy ädıstemelık ortalyǧynyŋ basşysy men ekı qyzmetkerıne, sondai-aq, Şymkent qalasynyŋ serıktes-tūrǧynyna qatysty 36 mln. astam teŋgenı jymqyru deregı boiynşa qylmystyq ıstı tergeude, dep habarlaidy «Adyrna» tılşısı QR QMA baspasöz qyzmetıne sılteme jasap.
Aqşalai qarajat orta mektep oquşylary men kolledj studentterın respublikalyq sporttyq ıs-şaralarǧa daiyndau şeŋberınde tamaqtandyruǧa arnalǧan.
Jymqyru tiıstı tızımdemede sportşylardyŋ qoldaryn qoldan jasau jolymen jüzege asyryldy. Iаǧni, biudjetten qarajat bölındı, al sportşylardy tiıstı deŋgeide daiarlau jürgızılgen joq.
Sondai-aq, tergeu barysynda aiyptaluşylar aldyn ala söz bailasu arqyly olarǧa qatysty jürgızılıp jatqan tergeudıŋ oŋ şeşımı üşın ETD jedel qyzmetkerıne 6 mln.teŋge somasynda para bermek bolǧan.
Ädıstemelık ortalyqtyŋ qyzmetkerlerıne 2 jyldan 7 jylǧa deiın bas bostandyǧynan aiyru jazasy taǧaiyndaluy mümkın.
«Qazırgı uaqytta qylmystyq ıs Şymkent qalasynyŋ prokuraturasynda. Özge aqparat jariia etuge jatpaidy»,— delıngen habarlamada.
«Adyrna» ūlttyq portaly
