مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاتر ديرەكتورى ەرلان ءبىلال 1 250 000 تەڭگە كەپىلمەن بوساتىلدى، - دەپ حابارلايدى Tengrinews.kz تىلشىسى.
"2018 جىلدىڭ 9 قاڭتارىندا الماتى قالاسىنىڭ مەدەۋ اۋداندىق №2 سوتىنىڭ تەرگەۋ سۋدياسى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاتر ديرەكتورىنا قاتىستى بۇلتارتپاۋ شاراسى رەتىندە كەپىلگە الۋ تۋرالى شەشىم شىعاردى. 1 ميلليون 250 مىڭ تەڭگە كولەمىندە كەپىل تولەندى", - دەپ حابارلادى الماتى قالالىق سوتىنداعىلار.
"سوتقا دەيىنگى تەرگەۋ ورگاندارىنىڭ مالىمەتىنشە، ەرلان ءبىلال "سەزام" قوعام قايىرىمدىلىق-شىعارماشىلىق قورىنىڭ جەتەكشىسىنەن 2017 جىلدىڭ 23 جەلتوقسانىنان 2018 جىلدىڭ 7 قاڭتارى ارالىعىندا بىرلەسكەن تەاتر قويىلىمدارى جايلى قۇجاتقا قول قويدىرۋ ءۇشىن 900 مىڭ تەڭگە كولەمىندە پارا الدى دەگەن كۇدىككە ءىلىندى", - دەپ حابارلادى الماتى قالالىق سوتىنىڭ ءباسپاسوز قىزمەتىندەگىلەر.
ەسكە سالا كەتەيىك، 5 قاڭتاردا قر ەڭبەك سىڭىرگەن قايراتكەرى ەرلان ءبىلال 1,5 ميلليون تەڭگە پارامەن ۇستالعان بولاتىن. "مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى الماتىدا جاڭا جىل كەزىندە بالالارعا قويىلىم قويۋ ماقساتىندا تەاتردان ورىن بەرۋ ءۇشىن زاڭدى تۇلعادان 1,5 ميلليون تەڭگە پارا الدى دەگەن كۇدىككە ءىلىندى. كىناسىن تولىق مويىنداۋىنا بايلانىستى ول قاماۋعا الىنعان جوق. سوتقا دەيىنگى تەرگەۋ شارالارى ءجۇرىپ جاتىر", - دەپ حابارلاعان ەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى نۇرلان جاحين.
ال 9 قاڭتاردا اۋەزوۆ تەاترى ديرەكتورى مىندەتىن اتقارۋشى تاعايىندالعان بولاتىن.
"قازاقستان رەسپۋبليكاسى مادەنيەت جانە سپورت مينيسترلىگىنىڭ "مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى" رەسپۋبليكالىق مەملەكەتتىك قازىنالىق كاسىپورنىنىڭ ديرەكتورى ءبىلالوۆ ەرلان ءابدىلداۇلى 2018 جىلدىڭ 4 قاڭتارىندا ءىستىڭ ءمان-جايى انىقتالعانشا قىزمەتىنەن شەتتەتىلدى. شەتتەتىلگەن ۋاقىتتا مىندەتتى ديرەكتوردىڭ شىعارماشىلىق ءىس بويىنشا ورىنباسارى جانداربەك الايدارۇلى اتقارادى", - دەلىنگەن ەدى مينيسترلىك حابارلاماسىندا.
تولىعىراق: https://kaz.tengrinews.kz/crime/auezov-atyindagyi-dramteatr-direktoryi-erlan-blal-1-250-000-286363/
