برەكەشوۆ ۇكىمەت وتىرىسىندا انت بەردى

2007
Adyrna.kz Telegram

جاڭا ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ۇكىمەت وتىرىسىندا انت بەردى، - دەپ حابارلايدى “ادىرنا” ۇلتتىق پورتالى. 

"وزدەرىڭىز بىلەتىندەي، ۇكىمەت قۇرامىندا كادرلىق وزگەرىستەر بولدى. وتكەن اپتادا مەملەكەت باسشىسىنىڭ جارلىعى بويىنشا مىرزاعاليەۆ ماعزۇم ماراتۇلى ەنەرگەتيكا ءمينيسترى، سەرىكقالي امانعاليۇلى برەكەشەۆ ەكولوگيا، گەولوگيا جانە تابيعي رەسۋرستار ءمينيسترى بولىپ تاعايىندالدى. ءسىزدى قىزمەتكە تاعايىندالۋىڭىزبەن قۇتتىقتايمىن، جۇمىسىڭىزعا ساتتىلىك تىلەيمىز. سەرىكقالي امانعاليۇلى، انت بەرۋىڭىزدى سۇرايمىن", - دەدى پرەمەر-مينيستر اسقار مامين ۇكىمەت وتىرىسىندا.

"قازاقستان رەسپۋبليكاسىنىڭ حالقى مەن پرەزيدەنتىنىڭ الدىندا ءوزىمنىڭ وتانىم - قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى ارناۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس-ارەكەتىمدە زاڭدىلىق پەن ادىلەتتىلىك، ازاماتتىق جانە ۇلتارالىق كەلىسىم قاعيداتتارىن ۇستانۋعا، قازاقستان حالقىنا ادال قىزمەت ەتۋگە، ەلىمنىڭ مەملەكەتتىلىگى مەن الەمدىك قوعامداستىقتاعى بەدەلىن نىعايتۋعا سالتاناتتى تۇردە انت بەرەمىن. انت بەرەمىن", - دەدى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ.

پىكىرلەر