اقتوبە وبلىسىنىڭ قوبدا اۋدانىنا "اۋىل — ەل بەسىگى" باعدارلاماسى اياسىندا بىرقاتار جوبالار جۇزەگە اسىرىلۋدا. اۋدانعا جۇمىس ساپارىمەن بارعان وبلىس اكىمى وڭداسىن ورازالين جوبالارمەن تانىسىپ، ءاليا اۋىلىندا سالىنعان كوممۋنالدىق تۇرعىن ءۇيدى ارالادى دەپ حابارلايدى "ادىرنا" ۇلتتىق پورتالى.
قۇرىلىستى جەرگىلىكتى بيۋدجەت قارجىلاندىردى. قونىس تويىن تويلاۋشىلاردىڭ ءبىرى بۇلاق جانە تالدىساي اۋىلدىق وكرۋگتەرىنىڭ ۋچاسكەلىك پوليتسيا ينسپەكتورى ناريمان ۋليانوۆ بولدى.
"وتە جايلى ءۇي. بۇعان دەيىن ءوز باسپانامىز بولعان جوق. ايەلىم، ەكى بالاممەن بىرگە 3 پاتەر اۋىستىرىپپىز. ەندى پاتەردەن شىعارىپ جىبەرۋى مۇمكىن دەگەن ويلار مەنى مازالامايدى. قىزمەتتىك تۇرعىن ءۇي - مەن جانە ارىپتەستەرىم ءۇشىن ۇلكەن قولداۋ جانە ىنتالاندىرۋ", - دەپ اتاپ ءوتتى پوليتسەي.
اۋدان اكىمى بولات قۇلوۆتىڭ ايتۋىنشا، اۋىلعا قاجەتتى ماماندار ءۇشىن مۇنداي ۇيلەر بارلىق اۋىلدىق وكرۋگتەردە كەزەكپەن سالىنادى.
"بيىل باستاۋىن العان قۇرىلىس، كەلەسى جىلى وتەكتە، قىزىلجاردا جانە ودان ءارى باسقا اۋىلداردا جالعاسۋى جوسپارلانعان", - دەپ حابارلادى اۋدان اكىمى.
وڭداسىن ورازالين ءاليا اۋىلىندا كۇردەلى جوندەۋ جۇمىستارى جۇرگىزىلىپ جاتقان مەكتەپتى ارالاپ كوردى. عيمارات "اۋىل — ەل بەسىگى" باعدارلاماسى اياسىندا تۇبەگەيلى جاڭارتىلۋدا. 1974 جىلى سالىنعان، جالپى اۋدانى 2300 شارشى مەترگە جۋىق مەكتەپتە ەدەندەر، تەرەزەلەر، شاتىرلار، ينجەنەرلىك جەلىلەر اۋىستىرىلدى. قاسبەتتى جانە وعان ىرگەلەس اۋماقتى رەتكە كەلتىرىلۋدە.
وبلىس اكىمى بارلىق جۇمىستاردى قازان ايىنىڭ ورتاسىنان كەشىكتىرمەي اياقتاۋدى تاپسىردى، وسىلايشا ەكىنشى توقساندا تولىققاندى وقۋ پروتسەسى باستالادى.
ايماق باسشىسى بۇلاق اۋىلىندا قوبدا اۋدانىنىڭ تۋماسى، كەڭەس وداعىنىڭ باتىرى ءاليا نۇرمۇحامبەتقىزى مولداعۇلوۆاعا ارنالعان جاڭا مۇراجايدىڭ اشىلۋ راسىمىنە قاتىستى.
سونىمەن قاتار، وبلىس اكىمى تالدىساي اۋىلىنان وڭتۇستىككە قاراي 12 شاقىرىم جەردە ورنالاسقان ابات-بايتاق كەسەنەسىن، رەسپۋبليكالىق ماڭىزى بار ەسكەرتكىشتى اباتتاندىرۋ جۇمىستارىن كوردى. حIV-XV عاسىرلارعا جاتاتىن تاريحي ەسكەرتكىشتىڭ اۋماعىن اباتتاندىرۋ بويىنشا اعىمداعى جىلعا جوسپارلانعان ءىس-شارالار ءىس جۇزىندە اياقتالدى.
ءوڭىر باسشىسىنىڭ تاپسىرماسى بويىنشا قازان ايىنىڭ ورتاسىندا ي.ءبىلتابانوۆ اتىنداعى اۋىلدىڭ مادەنيەت ۇيىنە كۇردەلى جوندەۋ اياقتالۋى ءتيىس. مەردىگەر وبەكتىدەگى جۇمىستارعا تامىز ايىندا كىرىستى. "اۋىل — ەل بەسىگى" باعدارلاماسى بويىنشا كۇردەلى جوندەۋ اياسىندا تەرەزە بلوكتارىن اۋىستىردى، قاسبەتىن جاڭارتتى جانە ت. ب.
اۋىلدا قازىرگى ۋاقىتتا جاڭا دارىگەرلىك امبۋلاتوريا سالىنىپ جاتىر. وسى جىلدىڭ قازان ايىندا مەديتسينا قىزمەتكەرلەرى اۋىل تۇرعىندارىن مەديتسينالىق قىزمەت كورسەتۋ ستاندارتتارىنا سايكەس كەلەتىن كەڭ ءارى جارىق عيماراتتا قابىلدايتىن بولادى. امبۋلاتوريانىڭ جوسپارلى مۇمكىندىگى - اۋىسىمىنا 30 ادام.
ءوڭىر باسشىسى تەرىساققان اۋىلىندا دا بولدى، وندا 60 ورىندىق مەكتەپتىڭ قۇرىلىسى بەلسەندى جۇرگىزىلۋدە. مەكتەپ عيماراتىنىڭ جالپى اۋدانى 1200 شارشى مەتردەن اسادى. نىسان اعىمداعى جىلدىڭ جەلتوقسان ايىندا پايدالانۋعا بەرىلەدى دەپ كۇتىلۋدە.
جۇمىس ساپارىنىڭ قورىتىندىسى بويىنشا وبلىس اكىمى قوبدا اۋدانىنىڭ الەۋمەتتىك ينفراقۇرىلىمىن ودان ءارى دامىتۋ جونىندە بىرقاتار تاپسىرمالار بەردى.
"ادىرنا" ۇلتتىق پورتالى.
