Aqtöbe oblysynyŋ Qobda audanyna "Auyl — el besıgı" baǧdarlamasy aiasynda bırqatar jobalar jüzege asyryluda. Audanǧa jūmys saparymen barǧan oblys äkımı Oŋdasyn Orazalin jobalarmen tanysyp, Äliia auylynda salynǧan kommunaldyq tūrǧyn üidı aralady dep habarlaidy "Adyrna" ūlttyq portaly.
Qūrylysty jergılıktı biudjet qarjylandyrdy. Qonys toiyn toilauşylardyŋ bırı Būlaq jäne Taldysai auyldyq okrugterınıŋ uchaskelık polisiia inspektory Nariman Ulianov boldy.
"Öte jaily üi. Būǧan deiın öz baspanamyz bolǧan joq. Äielım, ekı balammen bırge 3 päter auystyryppyz. Endı päterden şyǧaryp jıberuı mümkın degen oilar menı mazalamaidy. Qyzmettık tūrǧyn üi - men jäne ärıptesterım üşın ülken qoldau jäne yntalandyru", - dep atap öttı polisei.
Audan äkımı Bolat Qūlovtyŋ aituynşa, auylǧa qajettı mamandar üşın mūndai üiler barlyq auyldyq okrugterde kezekpen salynady.
"Biyl bastauyn alǧan qūrylys, kelesı jyly Ötekte, Qyzyljarda jäne odan ärı basqa auyldarda jalǧasuy josparlanǧan", - dep habarlady audan äkımı.
Oŋdasyn Orazalin Äliia auylynda kürdelı jöndeu jūmystary jürgızılıp jatqan mekteptı aralap kördı. Ǧimarat "Auyl — el besıgı" baǧdarlamasy aiasynda tübegeilı jaŋartyluda. 1974 jyly salynǧan, jalpy audany 2300 şarşy metrge juyq mektepte edender, terezeler, şatyrlar, injenerlık jelıler auystyryldy. Qasbettı jäne oǧan ırgeles aumaqty retke keltırılude.
Oblys äkımı barlyq jūmystardy qazan aiynyŋ ortasynan keşıktırmei aiaqtaudy tapsyrdy, osylaişa ekınşı toqsanda tolyqqandy oqu prosesı bastalady.
Aimaq basşysy Būlaq auylynda Qobda audanynyŋ tumasy, Keŋes Odaǧynyŋ Batyry Äliia Nūrmūhambetqyzy Moldaǧūlovaǧa arnalǧan jaŋa mūrajaidyŋ aşylu räsımıne qatysty.
Sonymen qatar, oblys äkımı Taldysai auylynan oŋtüstıkke qarai 12 şaqyrym jerde ornalasqan Abat-Baitaq kesenesın, Respublikalyq maŋyzy bar eskertkıştı abattandyru jūmystaryn kördı. HIV-XV ǧasyrlarǧa jatatyn tarihi eskertkıştıŋ aumaǧyn abattandyru boiynşa aǧymdaǧy jylǧa josparlanǧan ıs-şaralar ıs jüzınde aiaqtaldy.
Öŋır basşysynyŋ tapsyrmasy boiynşa qazan aiynyŋ ortasynda İ.Bıltabanov atyndaǧy auyldyŋ mädeniet üiıne kürdelı jöndeu aiaqtaluy tiıs. Merdıger obektıdegı jūmystarǧa tamyz aiynda kırıstı. "Auyl — el besıgı" baǧdarlamasy boiynşa kürdelı jöndeu aiasynda tereze bloktaryn auystyrdy, qasbetın jaŋartty jäne t. b.
Auylda qazırgı uaqytta jaŋa därıgerlık ambulatoriia salynyp jatyr. Osy jyldyŋ qazan aiynda medisina qyzmetkerlerı auyl tūrǧyndaryn medisinalyq qyzmet körsetu standarttaryna säikes keletın keŋ ärı jaryq ǧimaratta qabyldaityn bolady. Ambulatoriianyŋ josparly mümkındıgı - auysymyna 30 adam.
Öŋır basşysy Terısaqqan auylynda da boldy, onda 60 oryndyq mekteptıŋ qūrylysy belsendı jürgızılude. Mektep ǧimaratynyŋ jalpy audany 1200 şarşy metrden asady. Nysan aǧymdaǧy jyldyŋ jeltoqsan aiynda paidalanuǧa berıledı dep kütılude.
Jūmys saparynyŋ qorytyndysy boiynşa oblys äkımı Qobda audanynyŋ äleumettık infraqūrylymyn odan ärı damytu jönınde bırqatar tapsyrmalar berdı.
"Adyrna" ūlttyq portaly.
