جاپونيانىڭ ورتالىق ازياداعى جەتەكشى ماماندارىنىڭ ءبىرى، توكيو شەت تىلدەرى ۋنيۆەرسيتەتىنىڭ عىلىمي ورتالىعىنىڭ عىلىمي قىزمەتكەرى ماساتو توريا اۋعانستانداعى جاعدايدىڭ تۇراقتانۋىنا كۇمانمەن قارايدى. اۋعانستان مەن پاكىستانعا قاتىستى كوپتەگەن ەڭبەكتەردىڭ اۆتورى تاليبتەردىڭ باسقارۋ تاجىريبەسى مەن لايىقتى كادرلارى جوق ەكەنىن اتاپ ءوتتى.
"تاليبان" ونداعان جىلدار بويى سوعىسقا قاتىستى، ولاردىڭ باسقارۋ تاجىريبەسى جوق. ءىس جۇزىندە اعىمداعى ىستەرمەن اينالىسۋعا قابىلەتتى ادام رەسۋرستارى جوق",- دەپ ءتۇسىندىردى توريا. جاپون ساراپشىسى اۋعانستاننىڭ كورشىلەس ەلدەردىڭ كومەگىمەن ەكونوميكانى تۇراقتاندىرا الاتىنىن، بىراق ەلدىڭ 40 جىلدىق سوعىستان شارشاعاندىقتان بۇل ماسەلەلەردى تولىق شەشۋ مۇمكىن ەمەستىگىن دە اتاپ وتكەن.
ساياساتتانۋشى اۋعانستان ازاماتتارىنىڭ ءومىر ءسۇرۋ جاعدايىنىڭ تەز ناشارلاۋىن توقتاتۋ ارەكەتتەرى ناتيجە بەرمەي، نارازىلىقتىڭ كۇشەيۋىنە اكەلەتىنىن، بۇل ۇزاق مەرزىمدى پەرسپەكتيۆادا "تاليبان" قوزعالىسىنىڭ ىشكى بولىنۋىنە سەبەپكەر بولىپ، ازامات سوعىسى بولاتىنىن بولجادى.
"ادىرنا" ۇلتتىق پورتالى
