Japoniianyŋ Ortalyq Aziiadaǧy jetekşı mamandarynyŋ bırı, Tokio şet tılderı universitetınıŋ ǧylymi ortalyǧynyŋ ǧylymi qyzmetkerı Masato Toria Auǧanstandaǧy jaǧdaidyŋ tūraqtanuyna kümänmen qaraidy. Auǧanstan men Päkıstanǧa qatysty köptegen eŋbekterdıŋ avtory talibterdıŋ basqaru täjıribesı men laiyqty kadrlary joq ekenın atap öttı.
"Taliban" ondaǧan jyldar boiy soǧysqa qatysty, olardyŋ basqaru täjıribesı joq. Is jüzınde aǧymdaǧy ıstermen ainalysuǧa qabılettı adam resurstary joq",- dep tüsındırdı Toria. Japon sarapşysy Auǧanstannyŋ körşıles elderdıŋ kömegımen ekonomikany tūraqtandyra alatynyn, bıraq eldıŋ 40 jyldyq soǧystan şarşaǧandyqtan būl mäselelerdı tolyq şeşu mümkın emestıgın de atap ötken.
Saiasattanuşy Auǧanstan azamattarynyŋ ömır süru jaǧdaiynyŋ tez naşarlauyn toqtatu äreketterı nätije bermei, narazylyqtyŋ küşeiuıne äkeletının, būl ūzaq merzımdı perspektivada "Taliban" qozǧalysynyŋ ışkı bölınuıne sebepker bolyp, azamat soǧysy bolatynyn boljady.
"Adyrna" ūlttyq portaly
