تاۋەلسىزدىك – باعا جەتپەس قۇندىلىق. تار جول، تايعاق كەشۋ كەزىندە عۇمىرىن بايگەگە تىككەن ۇلتجاندى ازاماتتار جەتەرلىك. ال جەلتوقسان وقيعاسى – تاۋەلسىزدىكتىڭ باستاۋى.
الماتى قالاسى مادەنيەت باسقارماسىنىڭ قولداۋىمەن، «جەلتوقسان –1986. تاۋەلسىزدىك قىراندارى» قوعامدىق بىرلەستىگىنىڭ جانە «الاتاۋ» ءداستۇرلى ونەر تەاترىنىڭ ۇيىمداستىرۋىمەن تاۋەلسىزدىكتىڭ 30 جىلدىعىنا، سونداي-اق جەلتوقسان وقيعاسىنىڭ 35 جىلدىعىنا وراي «قوبىز سارىنى» اتتى رەسپۋبليكالىق 18 جاسقا دەيىنگى پريما-قوبىزشىلار بايقاۋى ءوتتى.
رەسپۋبليكالىق ونلاين بايقاۋىنىڭ 1-ءشى كەزەڭىنەن 12 قاتىسۋشى ىرىكتەلىپ الىندى. ىرىكتەۋدەن وتكەن 12 قاتىسۋشى «الاتاۋ» ءداستۇرلى ونەر تەاترىنىڭ ساحناسىندا وففلاين تۇردە سايىسقا ءتۇستى.
بايقاۋ شارتتارىنا سايكەس قاتىسۋشىلار ۇلتتىق جانە الەم كلاسسيكاسىنان ءبىر-ءبىر شىعارمادان ورىنداۋلارى ءتيىس بولدى. جەڭىمپازدار ادىلقازىلار القاسى ارقىلى انىقتالدى.
باس جۇلدە – جاناحمەتوۆا بايان (500 000 تەڭگە)
ءبىرىنشى ورىن –نۇراتدينوۆا جانەل (300 000)
ەكىنشى ورىن – ستانپولوۆا الۋا (200 000)
ءۇشىنشى ورىن –بەسكەمپىر ارۋجان (150 000)
قوبىز – كونەدەن كەلە جاتقان قازاق حالقىنىڭ عاجايىپ سازدى، باي تەمبرلى اسپابى. قازاقى سىرلى ۇلتتىق اسپاپتارىمىزدى دارىپتەۋ – ۇرپاق پارىزى!
فوتو سۋرەتتەر اۆتورى: انۋاربەك دوسمالوۆ
قۋانىش جۇمابەكۇلى «الاتاۋ» ءداستۇرلى ونەر تەاترى ادەبيەت ءبولىمىنىڭ باسشىسى
