ءوزىڭىز تۋرالى بار شىندىقتى بىلگىڭىز كەلە مە؟ ەگەر بىلگىڭىز كەلسە، ىشكى جان-دۇنيەڭىزدىڭ ەسىگىن قاعىپ، جۇرەك تۇكپىرىندە جاتقان قالاۋىڭىز بەن شىنايى بەت-بەينەڭىزدى انىقتاپ كورىڭىز. الدىمەن ءسىز قاي ەسىكتى تاڭدار ەدىڭىز؟
كوپ ويلانباستان كوزىڭىزگە بىردەن تۇسكەن، جانە وزىڭىزگە ۇناعان سۋرەتتەگى ەسىكتەردىڭ ءبىرىن تاڭداڭىز.
1. بيلىككە ۇمتىلعىش بولىپ كەلەدى. وعان كۇش-قايراتى دا، ويى دا جەتەدى. مانساپقا جەتۋ جولىندا وزگەنىڭ ايتقان ساقتىعىن دا ەسكەرمەيدى. شىعارماشىلىق ويلاۋ قابىلەتى وتە جوعارى. كەز كەلگەن جاعدايدان شىعۋدىڭ جولىن تابادى. بارعا ماقتانبايدى، جوققا مويىمايدى. كەيدە «ءبىرىنشى» بولۋ ءۇشىن وزگەنى قۇرباندىققا شالىپ جىبەرەدى.
2. مىنەزىندەگى ەرەكشەلىك – ىنتىماقتاستىق. ولار جاقسى جار، سىيلاس ارىپتەس، سىرلاس دوس بولۋعا يكەمدى. ەكىنشى جاقتىڭ پىكىرىمەن ەسەپتەسىپ وتىرادى. بۇل قۇلدىق پسيحولوگيا ەمەس، بىراق كەيدە ونى تۇسىنبەگەندەر ونى وزىنە تاۋەلدى ەتكىلەرى كەلەدى. وزگەنىڭ تاپسىرماسىن وتە ىجداعاتتى ورىندايدى، وسى مىنەزىنىڭ ارقاسىندا وزىنە ورىنتاق جاسايدى.
3. دوستارى كوپ، كوڭىلدىلىكتىڭ بيلىگىندە كوپ تەربەلىپ جۇرەدى. ولار «ورتانىڭ تۇزدىعى»، ولاردىڭ توڭىرەگىندە ادامدار كوپ جۇرەدى. تابيعاتىنان تارتىمدى، سۇيكىمدى، وزدەرى دە وسى جاقسى قاسيەتتەرىنىڭ ارقاسىندا جاقسى كورىنەتىندىكتەرىن ءبىلىپ، سول ارقىلى كورىنگىلەرى كەلەدى. ولار جان-جاقتى، كوپ نارسەنى ىستەي الادى، بىراق ەڭ نەگىزگىسىن تاڭداي المايدى.
4. ەڭبەكقور، مىقتى ادامدار. قوعامدىق قارىم-قاتىناستاردىڭ بارلىعىنىڭ نەگىزىن قالاۋشى. ماقساتقا جەتۋدىڭ قىسقا جولىن تاڭدامايدى. جانى تارتىپتىلىكتى قالايدى. كەز كەلگەن ماسەلەنى سوڭىنا دەيىن شەشۋدى جاقسى كورەدى. تارتىپسىزدىك پەن بەي-بەرەكەتسىزدىككە جانى قاس. ىسكەر، تاپسىرمانى اقىل مەن قيسىنعا سالىپ وڭاي ورىندايدى، سيرەك قاتەلەسەدى. وتە ادال، سەنىمدى، اينالاسىنداعىلاردان دا سونى تالاپ ەتەدى. ادىلەتسىزدىككە جانى توزبەيدى.
5. مىنەزىنە – وزگەرىپ تۇرۋ ءتان. كوپ ساياحاتتاعاندى ۇناتادى. قىزىعۋشىلىعىن، ومىرگە كوزقاراسىن ءجيى-ءجيى وزگەرتىپ، ىزدەنۋ ۇستىندە بولادى. تۇراقسىزدىعى دا بار. ءومىردىڭ بارلىق قىزىعىن كورىپ قالعىسى كەلەدى. قارۋى – ءسوز. سوزگە قاتىسى بار بارلىق سالادا ءوزىن سىناپ كورەدى. ويى جۇيرىك، ازىلگە شەبەر. بىراق كەيدە وسى قابىلەتىن وزگەلەردى تۇقىرتۋ ءۇشىن پايدالانادى. جۇمىس ورنىندا دا كوپ وتىرمايدى.
6. ءبىلىمدى، ادامگەرشىلىگى مول، ۇيگە سىيىمدى جان. قايدا جۇرسە دە تىنىشتىق پەن ۇيلەسىمدىلىكتى ساقتاپ وتىرادى. ونى ءومىر ءسۇرۋدىڭ ولشەمى دەپ ۇعادى. ماحابباتقا ەرەكشە قۇرمەتپەن قارايدى. ءوز وتباسىنا قارىم-قاتىناسىن وسى نەگىزدە قۇرادى. جاقىندارىنىڭ ءومىرىن دە جايلى ەتۋگە تىرىسادى. ونىڭ كوپ جاۋاپكەرشىلىگىن ءوز موينىنا الادى.
7. ويلاۋعا بەيىمدى. كەز كەلگەن نارسەنى ۇساق-تۇيەگىنە دەيىن وي ەلەگىنەن وتكىزەدى، سوندىقتان ول سىرت ادامعا سىلبىر، تۇسىنىكسىز كورىنەدى. ءوز سەزىمىن سىرتقا شىعارمايدى. ونەر «ءتىلىن» جاقسى تۇسىنەدى. ادام قابىلەتى جەتپەيتىن نارسەلەردىڭ جاۋابىن ءجيى ىزدەيدى. فيلوسوفيامەن اينالىسادى.
8. اقشاعا بايلانىستى ىستەرى وركەندەيدى. داڭق پەن بايلىققا جاقىن جۇرەدى. ماتەريالدىق جاعدايى ۇستەم بولادى. ادامداردىڭ جان دۇنيەسىن تۇسىنەدى، ولارعا قينالعان كۇندەرى قول ۇشىن بەرۋگە دايار تۇرادى.
9. مەتافيزيكا مەن فيلوسوفيانىڭ سانى. سانانىڭ جوعارى دەڭگەيىندەگى ادام. كەمەڭگەر. ساياحاتتاعاندى ۇناتادى. مىنەزىن وزگەرىستەر قالىپتاستىرادى. بارلىق ۇلت پەن ۇلىستاردىڭ ادەت-عۇرپىن بىلۋگە قۇلشىنادى. ەل بيلەۋشىگە ءتان تاباندىلىق پەن توزىمدىلىكتى يگەرگەن.
10. كۇش-قۋاتتىڭ قويماسى ىسپەتتەس. اقىلدى، كۇشتى، شىعارماشىلىق قابىلەتى جوعارى. جولىنداعى كەدەرگىلەردى وڭاي جەڭەدى. جەڭىلىستىڭ ءوزىن جەڭىسكە اينالدىرادى. ونى ىسكەرلىك قابىلەتى مەن باسشىلىق پايىمى ءۇشىن ۇناتادى. بيلىگىن بىلەك كۇشىمەن شەشۋگە تىرىساتىن كەزدەرى دە از ەمەس. ونى سىرت كوزدەن جاسىرۋعا تىرىسقانىمەن، بايقالىپ تۇرادى.
"ادىرنا" ۇلتتىق پورتالى
