ماڭعىستاۋ وبلىسىندا 700 ادام Plus Capital قارجىلىق ۇيىمىنا مۇلكى مەن قوماقتى قاراجاتىن سالىپ، الدانىپ قالعان دەپ حابارلايدى "ادىرنا" ۇلتتىق پورتالى 31-ارناعا سىلتەمە جاساپ.
اتاپ ايتساق، ماڭعىستاۋلىق 700 تۇرعىننىڭ بارلىعى قۇجاتىن جالعىز نوتاريۋسقا راسىمدەگەن. ال جارناماسى اقتاۋ كوشەلەرىندە ءىلىنىپ، الەۋمەتتىك جەلىدە كەڭىنەن تارالعان قارجى ۇيىمى ارتۋر تەمىرعاليەۆتىڭ اتىنا تىركەلگەن. الايدا قۇجاتتارعا ونىڭ ەسەپشىلەرى مەن وزگە قىزمەتكەرلەرى قول قويعان.
قازىر ارتۋر تەمىرعاليەۆتىڭ قايدا ەكەنى بەلگىسىز. ول تۋرالى 1,5 جىلدان بەرى حابار جوق. الاياق سالىمشىلارعا قاراجاتىن 2 ەسە ەتىپ قايتارۋعا ۋادە ەتكەن ەكەن. سالىمشىلار قۇجاتتار نوتاريالدى تۇردە راسىمدەلگەندىكتەن سەنگەن، الايدا نوتاريۋس سوفيا كۋشنيرەنكو جالعان قۇجات راسىمدەپ وتىرىپتى.
"حالىق بۇل نوتاريۋسكە سەندى، سەبەبى ول ادىلەت مينيسترلىگىندە تىركەلگەن. بين نومەرى بار", – دەيدى سالىمشى سايلاۋگۇل اسەموۆا.
ماڭعىستاۋ وبلىستىق ادىلەت دەپارتامەنتى باسشىسىنىڭ ورىنباسارى اۋەس كوشكىنباي جەكە نوتاريۋستاردىڭ كۇندەلىكتى ءىس-ارەكەتىن ەنيس بازاسىنان قاراپ وتىرۋعا وزدەرىندە رۇقسات جوق ەكەنىن العا تارتادى.
"ەگەر ولاردىڭ جاساعان ءىس-ارەكەتىن تەرگەۋ جۇرگىزۋ قاجەت بولسا، وندا ءبىز ازاماتتاردان تۇسكەن ارىز-شاعىم ەسەبىندە قارايمىز", — دەيدى ول.
قارجىلىق ۇيىمنىڭ ارباۋىنا تۇسكەن تەك سالىمشىلار ەمەس. ارتۋر تەمىرعاليەۆتەن جىلجىمايتىن مۇلىكتى ساتىپ العاندار دا بار. وسى ىسكە قاتىستى تەرگەۋ بىلتىر اقپان ايىندا جۇرگىزىلىپ، سوت بيىل شىلدەدە باستالدى.
"ادىرنا" ۇلتتىق پورتالى.
