Maŋǧystau oblysynda 700 adam Plus Capital qarjylyq ūiymyna mülkı men qomaqty qarajatyn salyp, aldanyp qalǧan dep habarlaidy "Adyrna" ūlttyq portaly 31-arnaǧa sılteme jasap.
Atap aitsaq, maŋǧystaulyq 700 tūrǧynnyŋ barlyǧy qūjatyn jalǧyz notariusqa räsımdegen. Al jarnamasy Aqtau köşelerınde ılınıp, äleumettık jelıde keŋınen taralǧan qarjy ūiymy Artur Temırǧalievtıŋ atyna tırkelgen. Alaida qūjattarǧa onyŋ esepşılerı men özge qyzmetkerlerı qol qoiǧan.
Qazır Artur Temırǧalievtıŋ qaida ekenı belgısız. Ol turaly 1,5 jyldan berı habar joq. Alaiaq salymşylarǧa qarajatyn 2 ese etıp qaitaruǧa uäde etken eken. Salymşylar qūjattar notarialdy türde räsımdelgendıkten sengen, alaida notarius Sofiia Kuşnirenko jalǧan qūjat räsımdep otyrypty."Halyq būl notariuske sendı, sebebı ol Ädılet ministrlıgınde tırkelgen. BİN nomerı bar", – deidı salymşy Sailaugül Äsemova.
Maŋǧystau oblystyq Ädılet departamentı basşysynyŋ orynbasary Äues Köşkınbai jeke notariustardyŋ kündelıktı ıs-äreketın ENİS bazasynan qarap otyruǧa özderınde rūqsat joq ekenın alǧa tartady."Eger olardyŋ jasaǧan ıs-äreketın tergeu jürgızu qajet bolsa, onda bız azamattardan tüsken aryz-şaǧym esebınde qaraimyz", — deidı ol. Qarjylyq ūiymnyŋ arbauyna tüsken tek salymşylar emes. Artur Temırǧalievten jyljymaityn mülıktı satyp alǧandar da bar. Osy ıske qatysty tergeu byltyr aqpan aiynda jürgızılıp, sot biyl şıldede bastaldy.
"Adyrna" ūlttyq portaly.
