قازاقستان حالقى پرەزيدەنت اكىمشىلىگىنە «شاڭىراق وقيعاسىنا» قاتىسۋشى، اقىن ارون اتابەككە راقىمشىلىق جاساۋ تۋرالى ءوتىنىش جولدادى، دەپ حابارلايدى "ادىرنا" ۇلتتىق پورتالى.
- قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا اشىق ۇندەۋ جولداندى! 2,5 مىڭنان استام قول جيناپ، 377 رەپوست جاسالىندى. كوپ راقمەت! - دەپ جازدى قۇقىق قورعاۋشى باقىتجان تورەعوجينا Facebook -تە.
2006 جىلى «شاڭىراق ءىسى» بويىنشا ارون اتابەك 18 جىلعا باس بوستاندىعىنان ايىرىلدى. سول كەزدە الماتى ماڭىنداعى شاڭىراق ىقشاماۋدانىنىڭ تۇرعىندارى مەن قۇقىق قورعاۋ ورگاندارىنىڭ قىزمەتكەرلەرى اراسىندا بيلىك سوت، زاڭسىز سالىنعان دەپ تانىعان ۇيلەردى بۇزۋعا تىرىسقاندا قاقتىعىس بولدى. قاقتىعىس كەزىندە 24 جاستاعى پوليتسەي اسەت بەيسەنوۆ قازا تاپتى، ول ۇستىنە بەنزين قۇيىلىپ، وتقا وراندى.
بۇل جاعدايدا اتابەكتەن باسقا قۇرمانعازى وتەگەنوۆ، ەرعانات تارانشيەۆ پەن رۇستەم تۇياقوۆ باس بوستاندىعىنان ايىرىلدى.
حالىقارالىق قۇقىق قورعاۋ ۇيىمدارى اتابەكتى «ار-وجدان تۇتقىنى»، «ساياسي تۇتقىن» دەپ تانىدى. اقىن جازاسىنىڭ كوپ بولىگىن - 14 جىلدان استام وتەگەن. قۇقىق قورعاۋشىلار مەن الەۋمەتتىك بەلسەندىلەر اتابەكتىڭ دەنساۋلىعىنىڭ ناشارلاۋىنا بايلانىستى بوساتىلۋىن قالاپ وتىر.
"ادىرنا" ۇلتتىق پورتالى
