بايدەن: كەلەسى پاندەمياعا دايىندالۋ كەرەك

2826
Adyrna.kz Telegram
https://adyrna.kz/content/uploads/2021/09/526b8c68-97ce-4b79-b250-2ead63b75845.jpeg
اقش پرەزيدەنتى دجو بايدەن بۇۇ باس اسسامبلەياسىنىڭ 76-سەسسياسىنداعى ۇندەۋىندە كەلەسى پاندەمياعا بىرلەسىپ دايىندالۋعا شاقىردى، - دەپ حابارلايدى ”ادىرنا” ۇلتتىق پورتالى  ريا نوۆوستيگە سىلتەمە جاساپ. دجو بايدەن قازىرگى تاڭدا بارلىق ەل ءبىر تاڭداۋدىڭ الدىندا تۇرعانىن باسا ايتتى.
ء"بىز ادام ءومىرى ءۇشىن بىرگە كۇرەسەمىز بە، COVID-19-دى جەڭۋ ءۇشىن جينالىپ، كەلەسى پاندەمياعا قارسى تۇرۋ ءۇشىن بارلىق قاجەتتى قادامداردى جاسايمىز با؟ نەمەسە ۆيرۋستىڭ جاڭا، قاۋىپتى نۇسقالارىنا تاپ بولعاندا قولدا بار قۇرالدار مەن ءبىلىمدى قولدانا المايمىز", - دەدى اق ءۇي باسشىسى.
سونداي-اق، ول جەردەگى كليماتتىڭ وزگەرۋىنە بايلانىستى قيىن تاڭداۋ تۇرعانىن ايتتى. اقش كوشباسشىسىنىڭ ايتۋىنشا، الەمدىك قاۋىمداستىق شەشىم قابىلداۋى كەرەك: تابيعات قۇبىلىسىمەن بەتپە-بەت كەلۋى نەمەسە قۇرعاقشىلىق، سۋ تاسقىنى، ءورت پەن داۋىلدان زارداپ شەگۋى.
بۇعان دەيىن بايدەن اقش-تىڭ الەمدى جاھاندىق جىلىنۋدان قورعاۋ ءۇشىن ەكى ەسە كوپ اقشا جۇمسايتىنىن ايتقان بولاتىن. قولداۋ كليماتتىق داعدارىسقا قارسى كۇرەستە ەڭ وسال سانالاتىن الەمنىڭ دامۋشى ەلدەرىنە بولىنەدى.
پىكىرلەر