ورالدا 28 جاستاعى كەلىنشەك جاڭا تۋعان ءسابيىن ساتىپ جىبەردى دەپ حابارلايدى “ادىرنا” ۇلتتىق پورتالى قازاقپارات سايتىنا سىلتەمە جاساپ.
بۇل اقپاراتتى باتىس قازاقستان وبلىستىق پوليتسيا دەپارتامەنتى راستاپ وتىر. ۆەدومستۆو مالىمەتىنشە، جاڭا بوسانعان كەلىنشەك ءبورلى اۋدانىندا تۇراتىن ەرلى-زايىپتى تۇرعىندارمەن كەلىسىپ، ءسابيىن بەرىپ جىبەرگەن.
ءتارتىپ ساقشىلارىنىڭ تاباندى جۇمىسىنىڭ ناتيجەسىندە كەلىنشەك قولعا ءتۇسىپ، قازىرگى ۋاقىتتى قازاقستان رەسپۋبليكاسى قىلمىستىق كودەكستىڭ 135-بابى 1-بولىگىنە (كامەلەتكە تولماعانداردى ساتۋ) سايكەس سوتقا دەيىنگى تەرگەۋ امالدارى جۇرگىزىلىپ جاتىر.
ودان بولەك، باتىس قازاقستان وبلىستىق پوليتسيا دەپارتامەنتى 19-24 قىركۇيەك ارالىعىندا جۇرگىزىلىپ جاتقان "ستوپ-ترافيك" جەدەل ىزدەستىرۋ ءىس-شارالارى بارىسىندا وڭىردە 4 قىلمىستىق قۇقىقبۇزۋشىلىق اشىلىپ، 10 ادام اكىمشىلىك جاۋاپقا تارتىلعانىن جەتكىزدى.
“ادىرنا” ۇلتتىق پورتالى
