جىل باسىنان بەرى اتىراۋ وبلىسىندا 80-گە جۋىق بالاعا سەكسۋالدىق سيپاتتاعى قىلمىس جاسالعان، دەپ حابارلايدى "ادىرنا" ۇلتتىق پورتالى.
- اتىراۋ قالاسىننىڭ وزىندە كامەلەتتىك جاسقا تولماعاندارعا قاتىستى جىنىستىق سيپاتتاعى 33 قىلمىس تىركەلگەن. اۋداندار دا تىركەلدى، – دەدى اتىراۋ وبلىستىق پوليتسيا دەپارتامەنتىنىڭ يۋۆەنالدى پوليتسيا توبىنىڭ اعا ينسپەكتورى ورىنگۇل كوشقاليەۆا.
اتىراۋ وبلىسى پوليتسيا دەپارتامەنتىنىڭ دەرەكتەرىنە سەنسەك، بيىل 8 ايدا كامەلەت جاسىنا تولماعان بالالاردى زورلاۋ بويىنشا 10 قىلمىستىق ءىس قوزعالعان. قىلمىستىق كودەكستىڭ 121-بابى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا 10, 122-بابى ("ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ") بويىنشا 21 قىلمىس جانە 124-بابى ("جاس بالالاردى ازعىندىق جولعا ءتۇسىرۋ") بويىنشا 8 قىلمىس تىركەلگەن.
- بيىل بالالارعا قاتىستى جاسالعان سەكسۋالدىق سيپاتتاعى 80-نەن استام قىلمىس تىركەلگەن. ونىڭ 33-ءى اتىراۋدا، قالعانى اۋدانداردا بولعان، — دەيدى يۋپت اعا ينسپەكتورى ورىنگۇل كوشقاليەۆا.
كوبىنەسە بۇل قىلمىستاردى جاقىن تۋىستارى جاساپ كەلگەن. الەۋمەتتىك جاعدايى ناشار جانە اتا-اناسى ىشىمدىككە ءۇيىر وتباسىنان شىققان بالالار مۇنداي جاعدايعا ءجيى ۇشىرايدى. ەڭ سوراقىسى، بالالار ءوز ۇيلەرىندە زورلانعان.
"ادىرنا" ۇلتتىق پورتالى
ۇقساس جاڭالىقتار
