مۇقتاج ادامدارعا، وتباسىلارعا قايىرىمدىلىق كومەك كورسەتۋ، تۋعان ولكەنىڭ وركەندەۋىنە ۇلەس قوسۋ ارقىلى، ىزگىلىكتى ناسيحاتتاپ جۇرگەن ۇكىمەتتىك ەمەس ۇيىمداردىڭ جەتەكشىلەرى ماراپاتتالدى.
«جومارت جۇرەك» سىيلىعىنىڭ ماقساتى – ازاماتتىق بەلسەندىلىكتى دامىتۋ، حالىقتىڭ قايىرىمدىلىق مادەنيەتىن ارتتىرۋ بولىپ تابىلادى. وسى تۇرعىدا اتىراۋدىڭ وركەندەۋىنە ۇلەس قوسىپ جۇرگەن ازاماتتارعا وبلىس اكىمى ماحامبەت دوسمۇحامبەتوۆتىڭ اتىنان ۇلكەن ريزاشىلىعىمدى بىلدىرەمىن»،- دەدى ايماق باسشىسىنىڭ ورىنباسارى ناريمان تاۋشوۆ.
ءۇشىنشى سەكتور وكىلدەرى 5 نوميناتسيا بويىنشا ماراپاتتالدى.
- «اتىراۋاگروونىمدەرى» شارۋا قوجالىعىنىڭ باسشىسى، قازاقستان حالقى اسسامبلەياسىنىڭ مۇشەسى ۆلاديمير روزمەتوۆ – ءىرى الەۋمەتتىك جوبالاردى ىسكە اسىرعانى جانە بەلسەندى مەتسەناتتىق قىزمەتى ءۇشىن «جىل مەتسەناتى» نوميناتسياسىنا يە بولدى.
- بەلسەندى ازاماتتىق ۇستانىمى، ءتۇرلى باعىتتاعى كەڭ اۋقىمدى قايىرىمدىلىق ىستەرى ءۇشىن «جىل تۇلعاسى» نوميناتسياسىمەن «جۇرەكتەن جۇرەككە» قوعامدىق قورىنىڭ جەتەكشىسى ايگەرىم دوسقاليەۆا ماراپاتتالدى.
- «تۋعان ولكە» نوميناتسياسى ەلدى مەكەندەردى اباتتاندىرۋعا، الەۋمەتتىك ماڭىزى بار جوبالاردى ىسكە اسىرعانى ءۇشىن «اتامەكەن ەكو» قوعامدىق قورىنىڭ ديرەكتورى ارمان حايرۋللينگە تابىستالدى.
