شىمكەنت قالاسىنىڭ №2 قالالىق اۋرۋحانا ينفەكتسيالىق ستاتسيونار رەتىندە اشىلىپ، جۇمىس ىستەۋدە. قازىر مەديتسينا مەكەمەسىندە ماماندار كوۆيدكە جانە پنەۆمونياعا شالدىققان ناۋقاستاردى قابىلداپ جاتىر. شىمكەنت قالاسىنىڭ اكىمى مۇرات ايتەنوۆ 250 توسەك-ورىنعا دايىندالعان ينفەكتسيالىق ستاتسيوناردىڭ جۇمىسىمەن تانىسىپ، ەمدەۋ مەكەمەسىن ارالاپ كوردى.
ينفەكتسيالىق ستاتسيوناردا 200-دەن اسا مەديتسينا مامانى جۇمىس ىستەيدى.. مۇنان بولەك، ناۋقاستارعا وڭالتۋ ەمىن جۇرگىزۋ ءۇشىن اۋرۋحانا بازاسىنان قوسىمشا 100 توسەك-ورىن اشىلماق. ايتا كەتەيىك، اۋرۋحانادا اشىلعان ينفەكتسيالىق ستاتسيوناردا توسەك-ورىنداردىڭ بارلىعى وتتەگى نۇكتەسىمەن قامتىلىپ، ءۇش ايلىق دارىلىك قورى دايىندالعان. سونداي-اق، 53 جاساندى تىنىس الۋ اپپاراتى، كت، تسيفرلى رەنتگەن سىندى ينفەكتسياعا شالدىققان ناۋقاستاردى ەمدەۋگە قاجەتتى جابدىقتاردىڭ بارلىعى بار. ال مەديتسينا ماماندارى ناۋقاستارعا قاجەتتى وتتەگىنى اۋرۋحانانىڭ جانىنان اشىلعان وتتەگى تسەحىنان تاسىمالدايتىن بولادى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز