رەسەيدىڭ توت باسقان قاڭىلتىرلارىنا دا قولىمىز جەتپەي قالاتىن سياقتى

3281
Adyrna.kz Telegram
رەسەيدەن كەلگەن كولىكتەرگە ەندى پوليتسيالار قىرعيداي تيەتىن بولدى. ولاردىڭ سانى ناقتى قانشا ەكەنىن بىلمەيمىن. بىراق وتە كوپ ەكەنىن بىلەمىن.
بۇدان بىلاي رەسەيدەن، ارمەنيادان الىپ كەلگەن كولىكتەرگە كەدەندىك باقىلاۋ ءجۇرىپ، ايىپ تۇراعىنا جونەلتىلەتىن بولىپتى. وكىمەت بەكىتكەن مەرزىم اياقتالدى دەپ وتىر. قازاقستانعا سور بولىپ وتىرعان ۋتيلسبوردىڭ كەسىرىنەن جۇرتشىلىق دۇرىس كولىككە قول جەتكىزە الماي وتىرعاندا، ەندى رەسەيدىڭ توت باسقان قاڭىلتىرلارىنا دا زار بولاتىن سياقتىمىز. كەدەندىك وداق ارقىلى قوقىستارىن وتكىزىپ جىبەرگەن، ونىڭ تەتىكتەرىن باتىل ىسكە اسىرعان رەسەيلىك لوببيستتەر جەڭىسكە جەتتى. مويىنداۋىمىز كەرەك. بۇل پروتسەسس نەگە بۇلاي كەتىپ بارادى؟
ۋتيلسبوردى قولدان جاساپ الىپ، ەكولوگيا جانە يندۋستريا مينيسترلىگىنە جاۋاپكەرشىلىكتى لاقتىرىپ تاستاپ، حالىقتىڭ قالتاسىن قاعىپ الىپ وتىرعان "وپەراتور روپ" جشس-ءنىڭ لوببيستتەرى بولسا تاسادا وتىرىپ، قازاقستاندىق كولىك يندۋسترياسىنىڭ قانىن سۇلىكشە سورۋمەن كەلەدى. قازىر قوعامنىڭ اسا كوپ بولىگىنىڭ استىنا مىنگەنى رەسەيدىڭ ساقىرلاق، توت باسقان قاڭىلتىرلارى. ەرتەڭ شەتىنەن ايىپ تۇراعىنا قويىلسا، قوعامنىڭ ورتاسىنان وت شىعىپ كەتپەسىنە ەشكىم دە كەپىلدىك بەرمەيدى.
ۋتيلسبور ءبىزدىڭ قوعامنىڭ ايىقپاس دەرتىنە اينالدى. ونى جەتە تۇسىنەتىن حالىق بولسا مەيلى عوي... قازاقتىڭ ءاربىرىنىڭ جەكە باسىنا سوقتىققاندا عانا باسىنا مي كىرەدى.
بەكبولات قارجان،
"ادىرنا" ۇلتتىق پورتالى 
پىكىرلەر