وزبەكستاندا بۇدان بىلاي تاۋارلار (جۇمىستار، قىزمەتتەر) تۋرالى اقپارات مەملەكەتتىك - وزبەك تىلىندە بەرىلۋ مىندەتتەلەدى، دەپ حابارلايدى "ادىرنا" ۇلتتىق پورتالى.
وزبەكستان زاڭ شىعارۋ پالاتاسىنىڭ دەپۋتاتى راسۋل كوشەرباەۆتىڭ ايتۋىنشا، بۇل باستامانى «تۇتىنۋشىلاردىڭ قۇقىقتارىن قورعاۋ تۋرالى» زاڭعا وزگەرىستەر ەنگىزۋ ارقىلى ماقۇلداۋ جوسپارلانۋدا.
دەپۋتاتتىڭ ايتۋىنشا، زاڭدا ءوندىرۋشى (ورىنداۋشى، ساتۋشى) سونىمەن قاتار تۇتىنۋشىعا مەملەكەتتىك تىلدە ساۋدا مەن قىزمەت كورسەتۋ ەرەجەلەرى تۋرالى اقپارات بەرۋى ءتيىس دەپ كورسەتىلگەن.
بۇل رەتتە بۇل اقپاراتتى وزبەك تىلىندە دە، باسقا تىلدەردە دە بەرۋگە بولاتىنى ايتىلدى.
«مەنىڭ ويىمشا، بۇل ءبىزدىڭ ومىردەگى مەملەكەتتىك ءتىلدىڭ ماڭىزدىلىعىن ارتتىرۋعا باعىتتالعان قادام بولادى»، - دەپ جازدى كوشەرباەۆ ءوزىنىڭ Telegram -كانالىندا.
زاڭ جوباسىن زاڭ شىعارۋ پالاتاسىنىڭ دەپۋتاتتارى قابىلدادى جانە ماقۇلداۋ ءۇشىن سەناتقا جىبەرىلدى.
بۇعان دەيىن 2 قازاندا، تاشكەنت ماڭىنداعى شىرشىق قالاسىندا مەملەكەتتىك تىلدە سويلەسۋ مادەنيەتىن ناسيحاتتاۋ جانە باسقا تىلدەردەن ەنگەن سوزدەردىڭ ورنىنا وزبەك تىلىندەگى بالامالاردى قولدانۋعا شاقىرۋ اكتسياسى ءوتتى. بۇل ارەكەت الەۋمەتتىك جەلىلەردە ورىس ءتىلدى قولدانۋشىلاردىڭ نارازىلىعىن تۋدىردى.
"ادىرنا" ۇلتتىق پورتالى
