12 قازان كۇنى «حابار» تەلەارناسىنىڭ تىكەلەي ەفيرىندە «Junior Eurovision 2021» حالىقارالىق ءان بايقاۋىندا قازاقستاننىڭ اتىنان ونەر كورسەتۋگە جولداما الۋ قۇقىعى ءۇشىن جارىسقان 10 ورىنداۋشىنىڭ ەسىمى بەلگىلى بولدى.
ەستەرىڭىزگە سالا كەتەيىك، اتالمىش بايقاۋعا قازاقستاننىڭ ءتورتىنشى مارتە قاتىسۋى - «حابار» اگەنتتىگىنىڭ ەۋروپالىق حابار تاراتۋ وداعىنىڭ (ەۆU) قاۋىمداسقان مۇشەسى اتانۋىنىڭ ارقاسىندا مۇمكىن بولىپ وتىر.
ۇلتتىق ىرىكتەۋدىڭ وتۋىنە قازاقستان رەسپۋبليكاسىنىڭ اقپارات جانە قوعامدىق دامۋ، مادەنيەت جانە سپورت مينيسترلىكتەرى قولداۋ ءبىلدىردى. جوبا «حابار» اگەنتتىگىنىڭ سەرىكتەسى - «ADAM media group» كومپانياسىمەن بىرلەسىپ جۇزەگە اسىرىلۋدا.
جوبانىڭ jevision.khabar.kz رەسمي سايتىندا كورەرمەندەردىڭ ونلاين داۋىس بەرۋ ناتيجەلەرى بويىنشا فيناليستەردىڭ ەسىمدەرى بەلگىلى بولدى. ولار:
1. امانتاي ايگانىم ايبەكقىزى
2. بەكنۇر جانىبەكۇلى
3. اسگاتوۆا امينا باۋرجانكىزى
4. سااكيان ارمەن ەرۆاندوۆيچ
5. حامزين الينۋر ازاماتوۆيچ
6. تابارينا ەكاتەرينا دەنيسوۆنا
7. ماكيم جان اليۇلى
8. تۇگەلباي ءالىمجان مايرامبەكۇلى
9. جۇماباي ابىلقايىر دوسانۇلى
10. سۋلەنوۆا ادينا ەرلانوۆنا
بيىل، وتكەن جىلعى داستۇرمەن، ەلىمىزدىڭ كومپوزيتورلارى فيناليستەرگە ارنايى 2021 جىلدىڭ 6 قاراشاسىندا «حابار» تەلەارناسىنىڭ تىكەلەي ەفيرىندە وتەتىن گالا-كونتسەرتتە شىرقالاتىن 10 ءاندى جازىپ بەرەدى. «Junior Eurovision»
ۇلتتىق ىرىكتەۋ جەڭىمپازىن ءادىل قازىلار القاسىنىڭ باعالاۋى جانە قازاقستاندىقتاردىڭ SMS-داۋىس بەرۋ ناتيجەلەرى انىقتايدى. ۇلتتىق ىرىكتەۋ جەڭىمپازى قازاقستاننىڭ اتىنان 19 جەلتوقسان كۇنى پاريجدە ونەر كورسەتەدى.
