12 qazan künı «Habar» telearnasynyŋ tıkelei efirınde «Junior Eurovision 2021» halyqaralyq än baiqauynda Qazaqstannyŋ atynan öner körsetuge joldama alu qūqyǧy üşın jarysqan 10 oryndauşynyŋ esımı belgılı boldy.
Esterıŋızge sala keteiık, atalmyş baiqauǧa Qazaqstannyŋ törtınşı märte qatysuy - «Habar» Agenttıgınıŋ Europalyq habar taratu odaǧynyŋ (EVU) qauymdasqan müşesı atanuynyŋ arqasynda mümkın bolyp otyr.
Ūlttyq ırıkteudıŋ ötuıne Qazaqstan Respublikasynyŋ Aqparat jäne qoǧamdyq damu, Mädeniet jäne sport ministrlıkterı qoldau bıldırdı. Joba «Habar» Agenttıgınıŋ serıktesı - «ADAM media group» kompaniiasymen bırlesıp jüzege asyryluda.
Jobanyŋ jevision.khabar.kz resmi saitynda körermenderdıŋ onlain dauys beru nätijelerı boiynşa finalisterdıŋ esımderı belgılı boldy. Olar:
1. Amantai Aiganym Aibekqyzy
2. Beknūr Jänıbekūly
3. Asgatova Amina Baurjankyzy
4. Saakian Armen Ervandovich
5. Hamzin Alinur Azamatovich
6. Tabarina Ekaterina Denisovna
7. Makim Jan Aliūly
8. Tügelbai Älımjan Mairambekūly
9. Jūmabai Abılqaiyr Dosanūly
10. Sulenova Adina Erlanovna
Biyl, ötken jylǧy dästürmen, elımızdıŋ kompozitorlary finalisterge arnaiy 2021 jyldyŋ 6 qaraşasynda «Habar» telearnasynyŋ tıkelei efirınde ötetın gala-konsertte şyrqalatyn 10 ändı jazyp beredı. «Junior Eurovision»
Ūlttyq ırıkteu jeŋımpazyn ädıl qazylar alqasynyŋ baǧalauy jäne qazaqstandyqtardyŋ SMS-dauys beru nätijelerı anyqtaidy. Ūlttyq ırıkteu jeŋımpazy Qazaqstannyŋ atynan 19 jeltoqsan künı Parijde öner körsetedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz