شىمكەنت قالاسىنىڭ ءال-فارابي اۋدانى «ساۋلە» شاعىناۋدانىنىڭ تۇرعىندارىنا مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن ناسيحاتتاۋ جيىنى ءوتتى.
شىمكەنت قالاسىنىڭ اكىمى مۇرات ايتەنوۆ ءىس-شاراعا قاتىسىپ، پرەزيدەنت جولداۋىنىڭ باسىم باعىتتارىن اتاپ بەردى. سونداي-اق، جيىنعا ارداگەرلەر، قالالىق ءماسليحات دەپۋتاتتارى، قۇقىق قورعاۋ ورگاندارىنىڭ باسشىلارى، جاستار، باق وكىلدەرى جانە تۇرعىندار قاتىستى.
جيىندا №129 مەكتەپ ديرەكتورى عالىمجان الماتوۆ جولداۋدىڭ نەگىزگى باعىتتارى بويىنشا بايانداما جاسادى. وقۋ ورداسىنىڭ باسشىسى الەۋمەتتىك سالاعا باسا نازار اۋدارىلىپ جاتقانىنا جان-جاقتى توقتالىپ ءوتتى. سونىمەن قاتار، اۋداندىق اراداگەرلەر كەڭەسى توراعاسىنىڭ ورىنباسارى كەلەسباي جۇماعۇلوۆ، «ساۋلە» شاعىناۋدانىنىڭ ورام باسقارۋشىسى تۇرسىناي بارلىباەۆا، شاعىناۋدان تۇرعىنى بالتاباي ناربەكوۆ تە جولداۋعا وي قوستى.
قالا اكىمى مەملەكەت باسشىسىنىڭ جولداۋىندا وڭىرلىك ساياساتتى جەتىلدىرۋ مىندەتتەرى بەلگىلەنگەنىن، ەندىگى كەزەكتە بىرلەسە جۇمىس اتقارۋ قاجەت ەكەنىن اتاپ ءوتتى.
– جولداۋدا ەكونوميكالىق ءوسىمدى قامتاماسىز ەتۋ، كاسىپكەرلىكتى قولداۋ، وندەۋ ونەركاسىبىنىڭ ۇلەسىن ارتتىرۋ مىندەتتەرى مەجەلەندى. اۋىلشارۋاشىلىعى سالاسىنداعى وزەكتى ماسەلەلەر بەلگىلەنىپ، قوعامنىڭ بارلىق سالاسىندا تسيفرلاندىرۋ پروتسەستەرىن جەدەلدەتۋ تاپسىرىلدى. تۇرعىنداردىڭ ءومىر ساپاسىن ارتتىرۋ ءبىرىنشى كەزەكتەگى مىندەت ەكەنى ايقىندالدى. بۇل باعىتتاعى مەملەكەتتىك ساياسات ءبىلىم ساپاسىن، دەنساۋلىق ساقتاۋ جۇيەسىنىڭ تيىمدىلىگىن ارتتىرۋدى كوزدەيدى. پرەزيدەنت جولداۋى – ستراتەگيالىق قۇجات. ونى ىسكە اسىرۋعا بارلىق مەملەكەتتىك ورگاندار، قوعامدىق ۇيىمدار جۇمىلاتىن بولادى، – دەدى قالا اكىمى.
سونداي-اق، قالا اكىمى تۇرعىندارعا شاعىناۋدانداعى 276 جانە 195 ورامداردىڭ ينفراقۇرىلىم ماسەلەرى بويىنشا اتقارىلعان جۇمىستاردان حاباردار ەتتى. مۇرات دۇيسەنبەكۇلىنىڭ مالىمدەۋىنشە، وتكەن جىلى 276 ورامدا 350 مەترگە جۋىق سۋ قۇبىرىنىڭ قازبا جۇمىستارى جۇرگىزىلگەن بولاتىن. قازىرگى تاڭدا ورامدى تولىقتاي اۋىز سۋمەن قامتۋ ءۇشىن 532,5 ملن. تەڭگە ءبولىنىپ، قۇرىلىس جۇمىستارى بيىل قاراشادا اياقتالادى دەپ جوسپارلانعان.
ساپالى ەلەكتر جۇيەسى بويىنشا 25 باعانا، 2 شاقىرىم جەلىلەر جانە 160 كيلوۆاتتىق ترانسفورماتور ورناتىلدى. ەلەكتر جارىعىمەن تولىق قامتاماسىز ەتۋ ماقساتىندا 982,4 ملن تەڭگە ءبولىنىپ، بۇل جۇمىستار 2022 جىلدىڭ ءى توقسانىندا اياقتالادى.
195 ورامدا ينفراقۇرىلىممەن قامتاماسىز ەتۋ جۇمىستارى 2020 جىلى جۇرگىزىلگەن. تۇرعىندارعا ەلەكتر جارىعى، اۋىز سۋ بەرىلدى. تابيعي گازبەن قامتۋ ءۇشىن 298,7 ملن تەڭگە ءبولىنىپ، جۇمىستاردى وسى ايدىڭ سوڭىندا اياقتاۋ جوسپارلانۋدا.
