«Säule» şaǧynaudany tūrǧyndaryna Prezident Joldauynyŋ basym baǧyttary tüsındırıldı

Şymkent qalasynyŋ Äl-Farabi audany «Säule» şaǧynaudanynyŋ tūrǧyndaryna Memleket basşysynyŋ «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna Joldauyn nasihattau jiyny öttı.   Şymkent qalasynyŋ äkımı Mūrat Äitenov ıs-şaraǧa qatysyp, Prezident Joldauynyŋ basym baǧyttaryn atap berdı. Sondai-aq, jiynǧa ardagerler, qalalyq mäslihat deputattary, qūqyq qorǧau organdarynyŋ basşylary, jastar, BAQ ökılderı jäne tūrǧyndar qatysty. Jiynda №129 mektep direktory Ǧalymjan Almatov Joldaudyŋ negızgı baǧyttary boiynşa baiandama jasady. Oqu ordasynyŋ basşysy äleumettık salaǧa basa nazar audarylyp jatqanyna jan-jaqty toqtalyp öttı. Sonymen qatar, audandyq aradagerler keŋesı töraǧasynyŋ orynbasary Kelesbai Jūmaǧūlov, «Säule» şaǧynaudanynyŋ oram basqaruşysy Tūrsynai Barlybaeva, şaǧynaudan tūrǧyny    Baltabai Narbekov te Joldauǧa oi qosty. Qala äkımı Memleket basşysynyŋ Joldauynda öŋırlık saiasatty jetıldıru mındetterı belgılengenın, endıgı kezekte bırlese jūmys atqaru qajet ekenın atap öttı. – Joldauda ekonomikalyq ösımdı qamtamasyz etu, käsıpkerlıktı qoldau, öndeu önerkäsıbınıŋ ülesın arttyru mındetterı mejelendı. Auylşaruaşylyǧy salasyndaǧy özektı mäseleler belgılenıp, qoǧamnyŋ barlyq salasynda sifrlandyru prosesterın jedeldetu tapsyryldy. Tūrǧyndardyŋ ömır sapasyn arttyru bırınşı kezektegı mındet ekenı aiqyndaldy. Būl baǧyttaǧy memlekettık saiasat bılım sapasyn, densaulyq saqtau jüiesınıŋ tiımdılıgın arttyrudy közdeidı. Prezident Joldauy – strategiialyq qūjat. Ony ıske asyruǧa barlyq memlekettık organdar, qoǧamdyq ūiymdar jūmylatyn bolady, – dedı qala äkımı. Sondai-aq, qala äkımı tūrǧyndarǧa şaǧynaudandaǧy 276 jäne 195 oramdardyŋ infraqūrylym mäselerı boiynşa atqarylǧan jūmystardan habardar ettı. Mūrat Düisenbekūlynyŋ mälımdeuınşe, ötken jyly 276 oramda 350 metrge juyq su qūbyrynyŋ qazba jūmystary jürgızılgen bolatyn. Qazırgı taŋda oramdy tolyqtai auyz sumen qamtu üşın 532,5 mln. teŋge bölınıp, qūrylys jūmystary biyl qaraşada aiaqtalady dep  josparlanǧan. Sapaly elektr jüiesı boiynşa 25 baǧana, 2 şaqyrym jelıler jäne 160 kilovattyq transformator ornatyldy. Elektr jaryǧymen tolyq qamtamasyz etu maqsatynda 982,4 mln teŋge bölınıp, būl jūmystar 2022 jyldyŋ I toqsanynda aiaqtalady. 195 oramda infraqūrylymmen qamtamasyz etu jūmystary 2020 jyly jürgızılgen. Tūrǧyndarǧa elektr jaryǧy, auyz su berıldı.  Tabiǧi gazben qamtu üşın 298,7 mln teŋge bölınıp, jūmystardy osy aidyŋ soŋynda aiaqtau josparlanuda.