بىلتىر اتىراۋدا ءجۇز ايەل ءدىني كوزقاراسى ءۇشىن ءوز ۇيلەرىندە بوسانعان
سوڭعى كەزدەرى اتىراۋدا پەرزەنتحاناعا بارماي ۇيدە بوساناتىنداردىڭ قاتارى كوبەيىپ جاتىر. ولار ءدىني كوزقاراستارى ءۇشىن دارىگەرلەردىڭ كومەگىنەن باس تارتادى ەكەن. بۇل تۋرالى اتىراۋدا وتكەن ءماجىلىستىڭ الەۋمەتتىك-مادەني دامۋ كوميتەتىنىڭ كوشپەلى وتىرىسىندا ايتىلدى.
اتىراۋ وبلىسىندا بالا تۋ كورسەتكىشى تومەندەگەن. جانە بالا مەن انا ولىمىدە. بىلتىرعى جىلى وڭىردە 16 556 ءسابي دۇنيەگە كەلگەن. ونىڭ 923-ءى مەزگىلىنەن بۇرىن دۇنيە ەسىگىن اشقان. سونداي-اق، وڭىردە 15 پەن 17 جاس اراسىنداعى جاستاردىڭ جۇكتىلىگى جويىلماي تۇر. 91 ءجاسوسپىرىم جاس انا بولسا، قالعانى (15 ادام) تۇسىك جاساتقان.
اتىراۋ وبلىسى دەنساۋلىق ساقتاۋ باسقارماسى باسشىسى مانشۇك ايمىرزاەۆانىڭ ايتۋىنشا، سوڭعى كەزدە شاريعاتقا قايشى دەپ پەرزەنتحاناعا بارماي ۇيدە بوساناتىنداردىڭ سانى ارتقان. بىلتىر ءجۇز ايەل ءوز ۇيلەرىندە ءسابيلى بولعان. ولار مەديتسينالىق قىزمەتكە ءدىني كوزقاراستارى ءۇشىن جۇگىنبەيدى ەكەن. بۇدان وزگە وبلىستا دارىگەرلەر جەتىسپەيدى.
- بىزدەگى كوپتەگەن مەديتسينالىق جوعارعى وقۋ ورىندارى جىل سايىن جۇزدەگەن دارىگەرلەردى دايىنداپ شىعادى. الايدا، مەديتسينالىق قىزمەتكەرلەر جەتىسپەيدى. ول وقۋ ورىندارىنا قىرۋار قاراجات جۇمسالادى. ءبىز بيۋدجەتتى قابىلداعاندا بۇنىڭ ءبارىن كورىپ وتىرمىز ،- دەيدى دەپۋتات يۆان كليمەنكو. ماجىلىسمەننىڭ ايتۋىنشا، جاستار ەڭبەكاقىنىڭ ازدىعىنان دارىگەر بولۋعا ىنتالى ەمەس.
http://www.ratel.kz
فوتو: diapazon.kz.
