Byltyr Atyrauda jüz äiel dıni közqarasy üşın öz üilerınde bosanǧan
Soŋǧy kezderı Atyrauda perzenthanaǧa barmai üide bosanatyndardyŋ qatary köbeiıp jatyr. Olar dıni közqarastary üşın därıgerlerdıŋ kömegınen bas tartady eken. Būl turaly Atyrauda ötken Mäjılıstıŋ äleumettık-mädeni damu komitetınıŋ köşpelı otyrysynda aityldy. Atyrau oblysynda bala tuu körsetkışı tömendegen. Jäne bala men ana ölımıde. Byltyrǧy jyly öŋırde 16 556 säbi düniege kelgen. Onyŋ 923-ı mezgılınen būryn dünie esıgın aşqan. Sondai-aq, öŋırde 15 pen 17 jas arasyndaǧy jastardyŋ jüktılıgı joiylmai tūr. 91 jasöspırım jas ana bolsa, qalǧany (15 adam) tüsık jasatqan. Atyrau oblysy densaulyq saqtau basqarmasy basşysy Mänşük AIMYRZAEVANYŊ aituynşa, soŋǧy kezde şariǧatqa qaişy dep perzenthanaǧa barmai üide bosanatyndardyŋ sany artqan. Byltyr jüz äiel öz üilerınde säbilı bolǧan. Olar medisinalyq qyzmetke dıni közqarastary üşın jügınbeidı eken. Būdan özge oblysta därıgerler jetıspeidı. - Bızdegı köptegen medisinalyq joǧarǧy oqu oryndary jyl saiyn jüzdegen därıgerlerdı daiyndap şyǧady. Alaida, medisinalyq qyzmetkerler jetıspeidı. Ol oqu oryndaryna qyruar qarajat jūmsalady. Bız biudjettı qabyldaǧanda būnyŋ bärın körıp otyrmyz ,- deidı deputat İvan KLİMENKO. Mäjılısmennıŋ aituynşa, jastar eŋbekaqynyŋ azdyǧynan därıger boluǧa yntaly emes.http://www.ratel.kz
Foto: diapazon.kz.
