كراسنويارسك قالاسىندا سۋرروگات انالاردى ىزدەۋ جانە قىتايعا بالا ساتۋ ءىسى بويىنشا قىلمىستىق ءىس اشىلدى. سۋرروگات انالاردىڭ ىشىندە قازاقستاننىڭ 28 جاستاعى ازاماتشاسى دا بولعان دەپ حابارلايدى "ادىرنا" ۇلتتىق پورتالى "inbusiness.kz-كە "سىلتەمە جاساپ.
قازاقستاندىق ايەل ءوز بالاسىن رەسەيدە ساتقانى تۋرالى بيىل قىستا حابارلانعان بولاتىن. ايەل ادامعا كامبودجا كورولدىگى پنومپەن قالاسىندا ۇرىقتاندىرۋدىڭ مەديتسينالىق ءراسىمى وتكىزىلگەن. 2020 جىلدىڭ ساۋىرىندە ول رەسەيدە بالاسىن تۋىپ، ول ءۇشىن 13 مىڭ دوللار العان.
ەندى قىلمىستىڭ ءمان-جايى انىقتالدى. تەرگەۋ باسقارماسىنىڭ مالىمەتىنشە، بالا ساتۋ ءىس بويىنشا 10 كۇدىكتى بار، ونىڭ بەسەۋى - سۋرروگات انا.
تەرگەۋ بولجامى بويىنشا الاياقتار رەسەي مەن قازاقستاننان اقشا ءۇشىن سۋرروگات انا اتانۋعا دايىن ايەلدەردى ىزدەگەن. ولار بالا كوتەرگەننەن كەيىنگى مەديتسينالىق پروتسەدۋرا كامبودجادا جۇرگىزىلگەن. ال بالانى كراسنويارسكىدە بوسانعان.
بالالار قىتايعا جىبەرىلۋى كەرەك بولعان، الايدا بۇل ءىس كوروناۆيرۋس پاندەمياسىنا بايلانىستى جۇزەگە اسپاي قالعان. بۇگىندە تەرگەۋ مالىمەتىنشە، سۋرروگات انالار بوسانعان 19 بالا بار.
"ادىرنا" ۇلتتىق پورتالى.
