شىمكەنتتە ءبىلىم بەرۋ سالاسىنداعى سىبايلاس جەمقورلىق دەڭگەيىن تومەندەتۋ، وسكەلەڭ ۇرپاقتىڭ جەمقورلىققا قارسى دۇنيەتانىمىن قالىپتاستىرۋعا باعىتتالعان «سانالى ۇرپاق» ەرىكتى ستۋدەنتتىك كلۋبتارىنىڭ سلەتى ءوتتى.
«مەن ءوز ەلىمنىڭ پاراساتتى ۇرپاعىمىن» اتتى شاراعا «شىمكەنت-ادالدىق الاڭى» جوبالىق كەڭسەسىنىڭ، ءبىلىم سالاسى وكىلدەرى مەن كلۋبتىڭ بەلسەندى مۇشەلەرى قاتىستى.
شارا بارىسىندا جاستاردى بالا كۇنىنەن باستاپ وتانعا دەگەن پاتريوتتىق سەزىم مەن ادالدىق قاسيەتتەردى ۇيالاتۋ جايى ءسوز بولدى.
سلەتتا ستۋدەنتتىك كلۋبتاردىڭ جۇمىسى باياندالىپ، قاتىسۋشىلار ادالدىق پەن رۋحاني بايلىقتى دارىتۋداعى ويلارىن ورتاعا سالدى.
«شىمكەنت-ادالدىق الاڭى» جوبالىق كەڭسەسىنىڭ باسشىسى جاني قامباردىڭ ايتۋىنشا، ستۋدەنتتىك شاقتا نەگىزگى ومىرلىك ۇستانىمدار قالىپتاسادى، سوندىقتان دا بىلىمگە قۇشتار، بەلسەندى جاستارعا ارقاشان قولداۋ كورسەتىپ، مۇعالىمدەر، اتا-انالار تاراپىنان دۇرىس باعدار بەرۋ كەرەك.
سونداي-اق، جاستار بەلسەندىلەرى باس قوسقان جيىندا لوگيكالىق ويىندار ۇيىمداستىرىلىپ، جالىندى جاستار جەمقورلىقپەن كۇرەسۋدىڭ ءتيىمدى تاسىلدەرىن قاراستىردى. شارا قورىتىندىسىمەن بەلسەندى جاستار ارنايى العىس حاتتارمەن ماراپاتتالدى.
ايتا كەتەيىك، قازىرگى تاڭدا قالامىز بويىنشا 6000-عا جۋىق مۇشەسى بار 35-تەن اسا ستۋدەنتتىك كلۋبتار جۇمىس جاساۋدا. كلۋب مۇشەلەرىنىڭ ارقايسىسى ءبىلىم بەرۋدەگى سىبايلاس جەمقورلىق كورىنىستەرىنىڭ بولۋى ەلىمىزگە ۇلكەن قاۋىپ ەكەندىگىن جاقسى تۇسىنەدى.
