Shymkentte bilim berý salasyndaǵy sybaılas jemqorlyq deńgeıin tómendetý, óskeleń urpaqtyń jemqorlyqqa qarsy dúnıetanymyn qalyptastyrýǵa baǵyttalǵan «Sanaly urpaq» erikti stýdenttik klýbtarynyń sleti ótti.
«Men óz elimniń parasatty urpaǵymyn» atty sharaǵa «Shymkent-adaldyq alańy» jobalyq keńsesiniń, bilim salasy ókilderi men klýbtyń belsendi músheleri qatysty.
Shara barysynda jastardy bala kúninen bastap otanǵa degen patrıottyq sezim men adaldyq qasıetterdi uıalatý jaıy sóz boldy.
Sletta stýdenttik klýbtardyń jumysy baıandalyp, qatysýshylar adaldyq pen rýhanı baılyqty darytýdaǵy oılaryn ortaǵa saldy.
«Shymkent-adaldyq alańy» jobalyq keńsesiniń basshysy Janı Qambardyń aıtýynsha, stýdenttik shaqta negizgi ómirlik ustanymdar qalyptasady, sondyqtan da bilimge qushtar, belsendi jastarǵa árqashan qoldaý kórsetip, muǵalimder, ata-analar tarapynan durys baǵdar berý kerek.
Sondaı-aq, jastar belsendileri bas qosqan jıynda logıkalyq oıyndar uıymdastyrylyp, jalyndy jastar jemqorlyqpen kúresýdiń tıimdi tásilderin qarastyrdy. Shara qorytyndysymen belsendi jastar arnaıy alǵys hattarmen marapattaldy.
Aıta keteıik, qazirgi tańda qalamyz boıynsha 6000-ǵa jýyq múshesi bar 35-ten asa stýdenttik klýbtar jumys jasaýda. Klýb músheleriniń árqaısysy bilim berýdegi sybaılas jemqorlyq kórinisteriniń bolýy elimizge úlken qaýip ekendigin jaqsy túsinedi.
