تۇركىستاندا حالىقارالىق ÁMEN انيماتسيالىق فيلمدەر فەستيۆالى باستالدى، دەپ حابارلايدى «ادىرنا» ءتىلشىسى.
بايقاۋعا ازەربايجان، باشقۇرتستان (رف), قىرعىزستان، وزبەكستان، تاتارستان (رف), تاجىكستان مەن تۇركيادان بارلىعى 57 ءوتىنىم كەلىپ ءتۇسىپ، ونىڭ 49-ى ىرىكتەۋدەن وتكەن.
ايتا كەتەيىك، شارا ءۇشىنشى رەت ۇيىمداستىرىلىپ وتىر. ونىڭ اشىلۋ سالتاناتىنا قر اقپارات جانە قوعامدىق دامۋ ۆيتسە-ءمينيسترى بولات تىلەپوۆ، ءماجىلىس دەپۋتاتى، اقىن ماقپال تاجماعامبەتوۆا، ارداگەر رەجيسسەر-مۋلتيپليكاتور تامارا مۇقانوۆا، «رۋحاني جاڭعىرۋ» قوعامدىق دامۋ ينستيتۋتى باسقارما توراعاسىنىڭ ورىنباسارى امانبەك تولەپبەرگەنوۆ، Nur Otan پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ قاتىستى. سونىمەن قاتار، الىس-جاقىن شەتەلدەردەن، ەلىمىزدىڭ تۇكپىر-تۇكپىرىنەن انيماتسيا ماماندارى جينالدى.
«ادىرنا» ۇلتتىق پورتالى